H.Z.Tağıyevin evi uçuq-sökükdür
Azərbaycanın tanınmış neft sahibkarı və xeyriyyəçisi Hacı Zeynalabdin Tağıyevin 1885-1924-cü illərdə yaşadığı Mərdəkandakı evi baxımsızlığı ilə diqqət çəkir. Bakının məşhur milyonçularından birinin vaxtilə ömrünü başa vurduğu ev indi uçuq-sökük vəziyyətdədir.
Hazırda binada 3 məcburi köçkün ailəsi yaşayır. Hər tərəfindən təhlükə yağan bu bina həm də 2 saylı Ağ Ciyər Xəstəlikləri Dispanserinin həyətidir.
Nikaha daxil olanların sağlamlığı
Ölkədə nikaha daxil olmaq istəyənlərin icbari tibbi müayinəsi tətbiq olunduğu andan cari ilin fevral ayının əvvəlinə qədər müayinədən 94 400 nəfər keçib. Səhiyyə Nazirliyinin mətbuat xidmətindənAPA-ya verilən xəbərə görə, 1 iyun - 31 dekabr 2015-ci il tarixlərindən müayinələrdən keçmiş 84 600 nəfərdən bəzilərində müxtəlif xarakterli infeksiyalar aşkar olunsa da, ümumilikdə müayinədən keçən və nikaha daxil olmaq istəyən şəxslərin əksəriyyətinin sağlamlıq durumunun qənaətbəxş olduğu aşkar olunub.
Məlumatda bildirilib ki, keçən il müayinədən keçmiş 5534 nəfərdə talassemiya daşıyıcılığı, 239 nəfərdə sifilis, 54 nəfərdə isə QİÇS aşkar olunub: “Eyni zamanda, cari ilin yanvar ayı ərzində 9800 nəfər tibbi müayinədən keçib. Yanvar ayında müayinələrdən keçmiş 246 nəfərin talassemiya daşıyıcılığı, 22 nəfərdə sifilis, 1 nəfərdə isə QİÇS aşkar olunub”.
Tale Bağırzadə işgəncə ilə bağlı sorğulara cavab almayıb
"Müsəlman Birliyi Hərəkatı” təşkilatının rəhbəri, həbsdə olan ilahiyyatçı Tale Bağırzadəyə qarşı işgəncələr, onun hüquqlarının pozulması ilə bağlı məhkəmədən müvafiq qurumlara göndərilmiş sorğulara cavab verilməyib.
Bu barədə AzadlıqRadiosuna ilahiyyatçının vəkili Cavad Cavadov məlumat verib.
"Gedirik, deyirlər, iş yoxdur"
Müsahibimizin sözlərinə görə, Məşğulluq İdarəsi, əsasən, bir neçə idarəyə göndəriş verir.Dəmiryol və Magistral Qaz Kəmərləri İdarəsi işçi toplaması ilə bağlı elan verib, birinə 60, o birinə 100 nəfər işçi götürüləcəyi bildirilib. Ancaq:
“Gedirik, deyirlər ki, “iş yoxdur”. Mənə “Məşğulluq”da təklif elədilər ki, Yaşıllaşdırma İdarəsində ayı 100 manata işləyim. 100 manatla 5 nəfərlik ailəni necə dolandırım?” - Vilayət Səfərov sual verir.