"Qaranlıq Bakı" layihəsi
Bakı şəhərini işıqlandırma üçün ildə 10-14 milyon manat ayrılıb. Yəni, 10-14 milyon manata qənaət edəcəklər
Artıq Bakıda axşam saat 10-dan sonra çox küçə və meydanlarda işıqlar söndürüləcək. Hökumət elektrik enerjisinə qənaət etməklə “kəməri sıxır”.
“Qaranlıq Bakı” nə vəd edir? AzadlıqRadiosunun suallarını iqtisadçı Məhəmməd Talıblı cavablandırır:
– "Qaranlıq Bakı" dövlət büdcəsinə nə qədər qənaət edə bilər ki?
– Əslində, "Ağ Bakı" layihəsi haqqında düşünən zaman "Qaranlıq Bakı" haqqında da düşünmək lazım idi. Amma vaxtında! O zaman qeyd edirdik ki, Bakı Şəhər İcra Hakimiyyəti paytaxt küçələrini işıqlandırmaq üçün böyük vəsaitlər xərcləyir. Bakı şəhərini işıqlandırma məqsədilə, səhv etmirəmsə, ildə 10-14 milyon manat ayrılıb. Yəni, 10-14 milyon manata qənaət edəcəklər. Bu isə, bulvarda kiçik bir zona üçün xaricdən "od" qiymətinə alınan ağacların yanında qəpik-quruşdur.
Bu günki AzadlıqLive-da:
Məscidlərə müşahidə kameraları quraşdırılacaq. Tarixçi Altay Göyüşov deyir ki, burda əsas məqsəd dindarları nəzarətdə saxlamaqdaır
Şərqşünas Seyid Camal Əzizbəyli isə deyir ki, Türkiyədə məscidlərdə kameralar var, bunun nəyi pisdir?
Stadionda toy eləmək olar, bəs futbol niyə oynamaq olmaz? İdman şərhçisi Coşqun Eldaroğlu deyir: "Stadionda toy keçirmək gülməlidir. Onsuz da ölkədə toyxanalar, şadlıq evləri çoxdur. Stadion da futbolçu kimi formada olmalıdır. Bu stadion isə görünür ki, heç kimə lazım deyil, heç Avrokubok oyunları da keçirilməyəcək”
Sahibkara imkan vermirlər ki...
«Sahibkara imkan vermirlər ki, gətirdiyi malı devalvasiyaya uyğunlaşdırıb qiymət qoysun» - deyə «Azadlıq»qəzetinə açıqlama verən ekspert Samir Əliyev deyir. O, ölkəyə idxalın azalmasına aydınlıq gətirir. Onun fikrincə, bu ilin yanvar ayında idxalın 65-70 faiz azalmasının səbəblərindən biri bu inzibati təzyiqlərdir:
«Hakimiyyət idxalın qarşısını inzibati yolla almaqla ölkədən valyuta axının və manatın enməsinin qarşısını almaq istəyir».
«KREDİT VERMİRSƏ, AŞAĞI FAİZ DƏRƏCƏSİ KİMƏ LAZIMDIR?»
İqtisadiyyatı donuq duruma salmamaq üçün irəliləyən ölkələr dövriyyəyə gen-bol milli valyuta buraxır. Hindistan, Çin, Malayziya, ümumiyyətlə Asiya və Latın Amerikası ölkələri bu siyasəti banklara kredit ayırmaqla gerçəkləşdirir.
Bəs Avrasiya məkanında yerləşən Azərbaycan, daha doğrusu, bu ölkənin Mərkəzi Bankı (MB) necə davranır? Hələ ki, MB-nin manatı anbara toplaması gözə çarpır. Ötən ay iqtisadiyyatın pul bazasının 16 faiz (1 milyard 114.4 milyon manat) azalaraq 5 milyard 787.4 milyon manata düşdüyünü baş bankın özü bildirib.
Bank məsələləri eksperti Əkrəm Həsənov MB-ninbanklara, demək olar, kredit vermədiyinə diqqət çəkir: «MB-nin faiz dərəcəsi üzdə bir sıra inkişaf etməkdə olan ölkələrlə müqayisədə aşağıdır (3%). Kredit vermirsə, faiz dərəcəsinin aşağı olması kimə lazımdır, axı? Həmin səbəbdən dövriyyədəki manat həcmi kəskin azalıb. Bu isə iqtisadiyyatı iflic edə bilər».