İnstaqramda yenilik
Foto, video paylaşım şəbəkəsi «Instagram»da birdən çox hesabı olan istifadəçilərə xoş xəbər var.
Bu günədək belə istifadəçilər bir hesabdan çıxıb digərinə qoşulmaqdan ötrü hər dəfə yenidən hesab bilgilərini yazmalıydılar. Bu da vaxt itkisinə səbəb olurdu.
Artıq «Instagram» bu çətinliyi çözüb. Proqramın yeni versiyasında eyni vaxtda bir neçə hesabla giriş mümkündür.
Yeniləmə həm iOS-da, həm də «Android» platformasında ələçatımlıdır.
Bank sektoru bata bilər?
«Hökumət təcili tədbirlər görməsə, xarici valyutada problemli borclar bütövlükdə bank sektorunu batıra bilər». İqtisadçı ekspert Qubad İbadoğlu belə bir açıqlama yayıb.
"Fiziki şəxslərin gəlirlərinin vergidən azad hissəsi 10 dəfə artırılıb, bu da gəlirləri 4-9 faiz artıracaq"
Azərbaycanda mərc oyunlarında əldə olunan uduşların vergiyə cəlb edilməsi dövlət büdcəsinə əlavə olaraq ildə 20-25 milyon manat gəlir gətirəcək.
«Report» bu xəbəri fevralın 10-da Bakıda keçirilən vergi forumunda çıxış edən Maliyyə Nazirliyi vergi siyasəti və gəlirlər şöbəsinin müdir müavini Fikrət Şirinova isnadən yayıb.
F.Şirinov deyib ki, fiziki şəxslərin gəlirlərinin vergidən azad olunan hissəsinin artırılması onların gəlirlərini orta hesabla 4-9 faiz artıracaq:
«Fiziki şəxslərin gəlirlərinin vergidən azad olan hissəsi 10 dəfə artırılaraq 250 manatdan 2500 manata çatdırılıb. Bu isə onların gəlirlərinin 4-9 faiz qədər artması deməkdir».
Şöbə müdiri əlavə edib ki, bu dəyişiklik fiziki şəxslərin gəlir vergisindən dövlət büdcəsinə daxilolmaların 100 milyon manat azalmasına səbəb olacaq.
Neft düşür, OPEK-də ziddiyyət artır
«Yanvarda neftin qiyməti xeyli düşdü, ancaq dünyanın böyük istehsalçıları hələ də buna necə reaksiya vermək məsələsində razılığa gələnə oxşamırlar. Venesuelanın Neft naziri Eulogio del Pino fevralın 7-də böyük neft-ixracatçısı ölkələrə bir həftə çəkən səfərlərdən əliboş dönüb. Niyyəti OPEC və qeyri-OPEC üzvlərinin fövqəladə görüşünü keçirmək idi. Del Pino bacarsaydı, onlar qlobal neft istehsalını azaltmağı koordinasiya etməliydilər. Ancaq görünür, OPEC-in əsas Körfəz üzvləri – Səudiyyə Ərəbistan, Küveyt, Qətər və Birləşmiş Ərəb Əmirlikləri digər istehsalçıların bazara müdaxilə vədlərinə qarşı çıxır». Bunu «Stratfor» Araşdırmalar Mərkəzindən Matthew Bey yazır.