Keçid linkləri

2024, 29 Mart, Cümə, Bakı vaxtı 16:30

Azərbaycan Suriya üzrə donor konfransına hansı töhfəni verəcək?


İlham Əliyev
İlham Əliyev

-

Azərbaycan prezidenti İlham Əliyev Suriya üzrə donor konfransında iştirak etmək üçün Londona gedib. Konfrans cümə axşamı BMT-nin təşəbbüsü və bəzi Avropa ölkələrinin dəstəyi ilə keçirilir. Bu barədə Azərbaycan prezidentinin saytında məlumat verilib.

Konfransı Böyük Britaniya, Almaniya, Norveç, Küveyt və BMT təşkil edilib. Məqsəd Suriyada beşillik müharibədən zərər çəkənlər üçün maliyyə vəsaitinin toplanması və humanitar proqramların həyata keçirilməsidir. Bu işə 9 mlrd. dolların cəlb edilməsi planlaşdırılır.

Suriya ilə həmsərhəd olan və 4.6 mln. qaçqını qəbul edən Türkiyə, Livan və İordaniya kimi ölkələr operativ qaydada 1.2 mlrd. dollar alacaqlarına ümid edirlər.

Ciddi iqtisadi böhranla üzləşən Azərbaycanın hansı maliyyə töhfəsini verməyi planlaşdırdığı isə hələlik məlum deyil.

Yanvarın 10-da hökumətin iclasında çıxış edən prezident İlham Əliyev bildirmişdi ki, Suriya və İraqdakı vəziyyət onu ciddi narahat edir:
«Biz bu regionda yaşayırıq və burada baş verən hadisələr istər-istəməz bizə də təsir edir... Milyonlarla adam qaçqın və köçkün vəziyyətində yaşayır. Həmin adamların taleyi təbii ki, bizi də narahat edir. Belə ki, vaxtilə biz özümüz də böyük humanitar fəlakətlə üz-üzə qalmışdıq».

BMT-nin Qaçqınlar üzrə Agentliyinin Bakı ofisinin məlumatına görə, Azərbaycana Suriyadan dörd qaçqın ailəsi gəlib.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG