-
Aktyor Leonardo DiCaprio "Putin" adlı filmdə Rusiya prezidenti V.Putini oynayacağını açıqlayıb. Bu haqda "Dojd" telekanalı ABŞ-ın "Knightsbridge Entertainment" film şirkətinin nümayəndəsi V.Saaryana istinadən xəbər yayıb.
"Putin"in çəkilişləri baharda başlanacaq, bir il sonra ağ pərdəyə çıxacaq. Filmin kadrları Rusiyada, ABŞ-da və Avropada çəkiləcək.
Rusiya prezidentini DiCaprio'nun oynayacağı hələlik dəqiq deyil. Bu rol üçün dörd aktyor nəzərdən keçirilir, DiCaprio onlardan biridir.
Filmin ssenarisi 2015-ci ildə yazılıb. Filmin rejissoru bilinməsə də, prodüseri Mark Damon'dur.
"Dojd"-un xəbərində deyilir ki, V.Putin bu filmdən xəbərdardır.
Ötən ay Almaniyanın "Welt am Sonntag" qəzetinə müsahibəsində DiCaprio demişdi ki, V.Putin, həmçinin V.İ.Lenin rolunu ifa etmək istəyir.
