-
İtaliyada diktator Benito Mussolininin (1883-1945) gündəlikləri eyni gündə bir neçə nəşriyyatda çap edilib, satışa çıxıb.
“Mənim müharibə gündəliyim” adlı kitab Mussolininin Birinci Dünya Müharibəsinə qədərki qeydləridir. Kitabı çapa Venesiya Universitetinin professoru Mario İznegi hazırlayıb.
M.İznegi italyan milli faşizminin öndəri Mussoliniyə nifrət dövründə belə, diktatorun yaradıcılığına ədəbi-ideoloji material kimi yanaşan yeganə şəxs kimi tanınır.
M.İznegi yazır: "Bu kitabı açanlar memuar ədəbiyyatınının yaxşı nümunələrindən birilə qarşılaşacaqlar. O, öz əsgər həyatını özünəməxsus dramatizmlə nəql edir.”
İtalyanların kitab rəflərində bu, Mussolininin ilk kitabı deyil. O, ideloji mətnlərlə yanaşı, “Kardinalın sevgilisi”adlı bir roman, çoxlu hekayə də yazıb. Həm də siyasi jurnalist, yazıçı, müxtəlif qəzetlərin redaktoru olub.
