-
Azərbaycan müdafiə nazirinin birinci müavini - Silahlı Qüvvələrin Baş Qərargah rəisi Nəcməddin Sadıkov NATO-nun tədbirində iştirak etmək üçüm Brüsselə yola düşüb.
Orada Şimali Atlantika Alyansının Hərbi Komitəsinin «Qətiyyətli dəstək» missiyasına töhfə verən qeyri-NATO ölkələri ilə Baş Qərargah rəisləri səviyyəsində görüşü keçiriləcək.
Müdafiə Nazirliyinin məlumatına görə, görüşdə hərbi əməkdaşlıq məsələləri, Əfqanıstandakı siyasi və təhlükəsizlik vəziyyəti, əməliyyat şəraitindəki dəyişikliklər, onların Əfqan Milli Təhlükəsizlik Qüvvələrinə təsiri və digər mövzularda müzakirələr aparılacaq.