Qeyri-neft sektoru üçün indi "fantastik dövrdür"
Xam neftin qiyməti düşdükcə iş yerlərinin itirilməsi fonunda Norveç neftdən asılılığını azaltmaq üçün yeni planlar ortaya qoymağa məcburdur.
Nordea Bankdan Snorre Storset deyir ki, "bu dəyişiklik bizim düşündüyümüzdən bir qədər tez gəlir. Uzaq perspektivdə bu, Norveç üçün üstünlükdür, çünki bizi yeni iş yerləri yaratmağa vadar edir."
Norveç son 18 ayda neft qiymətlərinin 72 faiz aşağı düşməsinin fəsadlarına uyğunlaşmağa çalışır. Hökumət ölkə iqtisadiyyatının neftə bağlılığını azaltmaq üçün transformasiyaya başlamağa məcbur olub.
Qaradərili aktyor və rejissor Oscar mərasimini boykot edir
Rejissor Spike Lee və aktrisa Jada Pinkett qaradərili hüquqları uğrunda əfsanəvi mübariz Martin Luther King-in doğum günündə Kino Akademiyası Mükafatları mərasimini boykot etdiklərini bəyan ediblər.
Bu barədə göndərdikləri ayrı-ayrı mesajlarda onlar fevralın 28-də keçiriləcək mərasimə qatılmayacaqlarını bildiriblər. Oscar ötən cümə axşamı, iki il dalbadal yalnız ağdərililərdən ibarət namizədlər siyahısını açıqlayandan bəri tənqidlərlə üzləşir.
“Biz bu tədbiri dəstəkləyə bilmərik. Bu hörmətsizlikdir. Necə olur ki, iki il dalbadal aktyorluq kateqoriyası üzrə bütün 20 namizədin hamısı ağdərili olur? Biz hələ başqa kateqoriyaları demirik” – yazıb Lee İnstagramda, - İki ildə 40 ağdərili aktyor! Nədir, yoxsa biz aktyorluq bacarmırıq. WTF!"
Bu günki AzadlıqLive-da:
"Bank of Azerbaijan"ın lisenziyasının ləğvi və bütün əmanətlərə sığorta qanunu arasında əlaqə varmı?
İran-Azərbaycan münasibətlərinin indiki durumu
13 rus oliqarxı bu ilin əvvəlindən 11 milyard dollar itirib
Azərbaycanda çörəyin qiymətini aşağı saxlamaq mümkün olacaqmı?
İpoteka sadələşdirilir
«İpoteka ilə bağlı sənədlər artıq Nazirlər Kabinetindədir. Hesab edirəm ki, bu sənədlərlə bağlı 3-4 günə müvafiq qərar imzalanacaq».
APA-nın məlumatın görə, bunu maliyyə naziri Samir Şərifov deyib.
S.Şərifov qeyd edib ki, ipoteka ilə bağlı sənədlərdə ipoteka şərtlərinin sadələşdirilməsi və məbləğin artırılması nəzərdə tutulur: «Bildiyiniz kimi, manatın ucuzlaşması ilə bağlı ipoteka kreditlərinin məbləğinin artırılmasına xüsusi ehtiyac var. Eyni zamanda faiz siyasətinə yenidən baxılması zərurəti yaranıb».