Füzulidə baş verən hadisələrlə bağlı iki polis əməkdaşı tutulub
Hüquq-mühafizə orqanlarındanAPA-ya verilən məlumata görə, tutulan polis işçiləri - FüzuliRayon Polis Şöbəsinin əməkdaşı Samir Məhərrəm oğlu Səfərov və Binəqədi rayon Polis İdarəsinin əməkdaşı İlkin Vidadi oğlu İsmayılovdur.
Onlar ötən gün həbs edilən Füzuli rayon İcra Hakimiyyəti başçısının şəhər üzrə nümayəndəsi Şakir Hacıyevin kürəkənləridir.
Adıçəkilən şəxslərin hamısı yanvarın 13-də Füzuli rayonunda baş verən hadisələrlə bağlı tutulublar.
Son günlər Füzuli, Siyəzən və digər rayonlarda keçirilən icazəsiz aksilayarla bağlı Baş Prokurorluq tərəfindən Cinayət Məcəlləsinin 186.2.2, 233 və 315.2-ci maddələri ilə cinayət işi başlanılıb, 60-a yaxın şəxs saxlanılıb.
33 milyard regionlarda nəyə xərclənib?
İqtisadçı Qubad İbadoğlu bildirir ki, 2004-cü ildən 2014-cü ilədək regionların inkişafına dair dövlət proqramları çərçivəsində nə az, nə də çox düz 31.5 milyard manat pul xərclənib. 3-cü dövlət proqramının ilk ilində rəsmi statistikaya görə, xərclənən 1 milyard 292 milyon manat Qubad İbadoğlunun hesablamasına daxil edilməyib. Bəs 33 milyarda yaxın bu vəsaitdən necə istifadə edilib?
Gürcüstanda Qazpromdan qaz almaq əleyhinə etirazlar
Gürcüstanın keçmiş prezidenti, Ukraynada Odessa vilayətinin qubernatoru Mixail Saakaşvilinin “Vahid milli hərəkat” partiyası bu gün Gürcüstan hökumətinin "Qazprom"la əməkdaşlığı ilə bağlı etiraz aksiyası keçirib.
APA-nın "Vzqlyad" qəzetinə istinadən verdiyi məlumata görə, partiya üzvləri Energetika Nazirliyinin qarşısına toplanıblar. Piket zamanı yaxınlıqdakı körpüyə “Qazprom” əleyhinə plakatlar asmaq istəyən piket iştirakçıları ilə polis arasında qarşıdurma yaranıb. Aksiya zamanı “Qazproma” yox!” şüarları səsləndirilib.
Gürcüstan hökumətinin "Qazprom"la apardığı gizli danışıqlar müxalifətin etirazına səbəb olub. Müzakirə predmeti "Qazprom" tərəfindən Gürcüstana nəql olunan qazın həcminin artırılmasıdır. Gürcüstan müxalifəti iddia edir ki, danışıqlar ölkənin enerji sisteminin müstəqilliyinə təhlükə yaradır.
Hökumət rəsmiləri isə bildirir ki, SOCAR Gürcüstanın qaza olan tələbatını ödəmək iqtidarında deyil.
Qubada da etiraz aksiyası keçirilir
Yanvarın 15-də Qubada bir qrup sakin qiymətlərin bahalaşmasına etiraz olaraq aksiya keçirib.
Aksiyaçılar işsizlikdən əziyyət çəkdiklərini, bank kreditlərini ödəyə bimədiklərini, ünvanlı sosial yardım ala bilmədiklərini bildiriblər. Yerli icra başçısı və müavinləri aksiyaçıları dinləyəndən sonra onlardan dağılışmağı istəyib.
Hazırda polis ərazini aksiyaçılardan təmizləməyə çalışır.