-
Milli Məclisinin 2015-ci ildə son iclası dekabrın 29-da olacaq.
Parlamentdən APA-ya verilən məlumata görə, iclasın gündəliyinə 28 məsələ daxildir.
Bunlar yeni hazırlanmış İnzibati Xətalar Məcəlləsi, «Diplomatik xidmət haqqında», «Əhalinin sağlamlığının qorunması haqqında», «Dövlət rüsumu haqqında», «Polis haqqında» və digər qanunlara dəyişikliklər, o cümlədən Dünya Azərbaycanlılarının Həmrəyliyi Günü münasibəti ilə Milli Məclisin Müraciətinin təsdiq edilməsidir.
İnzibati Xətalar Məcəlləsinə təklif edilən dəyişikliklərdə bir sıra sahələr üzrə cərimələrin artırılması nəzərdə tutulur.