-
Bakı Şəhər Baş Polis İdarəsinin rəis müavini Səhlab Bağırov dekabrın 12-də qəsəbədəki son durumla bağlı açıqlama verib.
report.az-ın məlumatına görə, general bildirib ki, hazırda Nardaranda vəziyyət tam normaldır, hər şey nəzarət altındadır. Onun dediyinə görə, hüquq-mühafizə orqanları Nardaranda qanunun tələblərinin tam yerinə yetirilməsi istiqamətində fəaliyyətlərini davam etdirirlər.
Bu il noyabrın 26-da polis Nardaranda əməliyyat keçirib, bu zaman 5 nəfər mülki, iki polis ölüb. Hüquq mühafizə orqanları əməliyyat vaxtı «Müsəlman Birliyi Hərəkatı»nın rəhbəri Taleh Bağırzadəni və daha bir neçə nəfəri saxlayıb. Həmin şəxslər hakimiyyəti zorla ələ keçirməyə, terrora cəhddə ittiham olunurlar.