-
Azərbaycanda əcnəbi və vətəndaşlığı olmayan şəxslər dini təbliğata görə həbs olunacaq.
report.az xəbər verir ki, bununla bağlı Cinayət Məcəlləsinə dəyişiklik ediləcək.
Dekabrın 2-də Milli Məclisin komitələrində müzakirəyə çıxarılan dəyişikliyə görə, əcnəbi və vətəndaşlığı olmayan şəxs tərəfindən dini təbliğat aparılarsa, 1 ildən 2 ilədək azadlıqdan məhrumetmə ilə cəzalandırılacaq.
Bu hal təkrar və ya qabaqcadan əlbir olan bir qrup şəxs və ya mütəşəkkil dəstə tərəfindən törədildikdə, həmin şəxslər 2 ildən 5 ilədək azadlıqdan məhrum ediləcəklər.
