►Ermənistan Azərbaycanı atəşkəsi pozmaqda ittiham edib. Noyabrın 12-də axşam saat 9-da Qarabağdakı hərbi hissələrin birində iki erməni əsgərinin öldürüldüyünü bildirib.
Bunlar 20 yaşlı Vaqe Vanonyan və 19 yaşlı Mikael Torosyandır.
Məlumatı Ermənistanın Müdafiə Nazirliyi yayıb.
Azərbaycanın Müdafiə Nazirliyi isə bildirib ki, noyabrın 12-də axşam saatlarında Ermənistan silahlı qüvvələrinin kəşfiyyat-təxribat qrupu qoşunların təmas xəttində Azərbaycan mövqelərinə basqın etməyə cəhd göstərib.
Bildirilir ki, qarşı tərəfə vurulan atəş zərbəsi nəticəsində Ermənistanın diversiya qrupunun 2 üzvü öldürülüb və xeyli sayda yaralıları var.
«Azərbaycan Silahlı Qüvvələrinin bölmələri heç bir itki verməyib, əməliyyat şəraiti tam nəzarət altındadır» - məlumatda deyilir.
