QHT ianəni qeydiyyatdan keçirməlidir
Azərbaycan Nazirlər Kabineti “Qeyri-hökumət təşkilatının, habelə xarici dövlətlərin qeyri-hökumət təşkilatlarının filial və ya nümayəndəliklərinin qəbul etdiyi ianələrin məbləği və ianəni vermiş şəxslər barədə məlumatların təqdim edilməsi Qaydası”nı təsdiq edib.
Vətəndaşların Əmək Hüquqlarının Müdafiəsi Liqasının rəhbəri Sahib Məmmədov deyir ki, bu qaydaların tənzimlənməsi uzun müddət idi ki, gözlənirdi: “İctimai təşkilatlar və fondlarla bağlı qanuna edilən son dəyişikliklərdən sonra qrantlarla bərabər ianələrin də müvafiq icra hakimiyyəti orqanında qeydiyyat zərurəti göstərilirdi. Eyni zamanda göstərilir ki, belə ianələr qeydiyyata alınmasa, bu vəsait üzrə əməliyyat aparıla bilməz. Qeydiyyat bildirişi olmasa, bankdan vəsaiti çıxarmaq olmazdı. Əks təqdirdə, hər iki tərəfi, həm QHT-ni, həm də bankı sanksiya gözləyirdi”.
Sahib Məmmədov deyir ki, ianə alan təşkilatlar vəsaiti harada qeydiyyatdan keçirməli olduğunu bilmirdi: “Qanunvericilikdə əsaslar var idi, amma bunu tənzimləyən qərar yox idi. Baş nazirin verdiyi bu qərar artıq ianə alan QHT və fondların işinə müsbət təsir edəcək”.
Yeni qaydalara görə, qeyri-hökumət təşkilatı ianəni qəbul etdiyi gündən 15 gündən gec olmayaraq, ianənin məbləği və ianəni vermiş şəxslər barədə məlumatları qrantların, xidmət müqavilələrinin və ianələrin reyestrinə (bundan sonra – reyestr) daxil etmək üçün Ədliyyə Nazirliyinə təqdim edir.
Qanuna görə, QHT 200 manat həcmində vəsaiti nəğd qəbul edə bilər, ondan yuxarı məbləğlər bank yolu ilə təşkilatın hesabına köçürülməlidir.
İanələrlə bağlı məlumat (məbləğ və onu verən şəxslə) Ədliyyə Nazirliyində qeydiyyatdan keçirilməlidir.
“Nazir mənə dedi ki, “indi səni söysəm, sən də qayıdıb məni söyəcəksən?”
Daha bir siyasi mühacirdən qohum-əqrabası üz döndərir. “Noyabrın 11-də anami-bacımı “Bandotdel”ə aparıb incidiblər ki, mən bloqumu bağlayım”.
Bunu AzadlıqRadiosuna hazırda İsveçdə siyasi mühacir həyatı yaşayan keçmiş polis zabiti Tural Məhərrəmov deyir.
Keçmiş polis zabiti deyir ki,vaxtilə hələ polisdə işləyəndə nazir Usubov onu qəbul edib və böyüklərə hörmətsizlik göstərməyin onun karyerasına son qoya biləcəyini deyib:
“Nazir mənə dedi ki, “indi səni söysəm, sən də qayıdıb məni söyəcəksən?””
İlham Əliyev Arif Məmmədovu səfir rütbəsindən məhrum etdi
Arif Məmmədovun Azərbaycan Respublikasının fövqəladə və səlahiyyətli səfiri diplomatik rütbəsindən məhrum edilməsi haqqında Azərbaycan prezidenti İlham Əliyev sərəncam verib. Sərəncamda deyilir ki, "Arif Zahid oğlu Məmmədov Azərbaycan Respublikasının fövqəladə və səlahiyyətli səfiri diplomatik rütbəsindən məhrum edilsin".
Ədliyyə nazirliyi AXCP-lərə: məhkəməyə müraciət edin
Ədliyyə Nazirliyi Əli Kərimli və Razi Nurullayevin rəhbərlik etdiyi AXCP-lərin qurultaylarının nəticələri barədə qərar verib. Hər iki tərəfə deyib ki, mübahisəni məhkəmədə həll etsinlər.
APA-nın məlumatına görə, Ə. Kərimli özünün “Facebook” səhifəsində yazıb ki, Ədliyyə Nazirliyi hər iki tərəfin təqdim etdiyi sənədləri geri qaytarıb.
Ədliyyə Nazirliyindən Ə. Kəriminin rəhbərlik etdiyi AXCP-yə göndərilən məktubda bildirilib ki, R. Nurullayev də Ədliyyə Nazirliyinə “AXCP Etimad qurultayı” adı ilə sənəd təqdim edib və nazirlik eyni hüquqi şəxsin rəhbər orqanlarının formalaşdırılması barədə bir-birinə zidd olan müraciətlərin daxil olduğunu nəzərə alaraq təqdim edilən sənədləri geri qaytarıb.
Ədliyyə Nazirliyi hər iki tərəfə təklif edib ki, mübahisəli məsələni həll etmək üçün məhkəməyə müraciət etsinlər.