İlham Əliyev: "paxıllar işimizə kölgə salmaq istəyirdi"
"Son illər ərzində iqtisadi inkişaf tempinə görə dünyada Azərbaycana bərabər ikinci ölkə yoxdur. Vaxtilə bizim uğurlarımızı neftlə bağlayırdılar. Paxıllar, bəzi dairələr bizim işimizə kölgə salmaq istəyirdilər. İndi neftin qiyməti iki dəfədən aşağı düşüb. Ancaq biz yenə də inkişaf edirik, yenə də nümunə göstəririk".
Report xəbər verir ki, bunu Azərbaycan prezidenti İlham Əliyev Abşeron rayonunda "Azərsu" Açıq Səhmdar Cəmiyyətinin Ceyranbatan Ultrasüzgəcli Sutəmizləyici Qurğular Kompleksinin açılış mərasimində çıxışı zamanı deyib.
Mingəçevirdə prezidentə yeni iqamətgah tikilir?
Nəhəng tikintinin yaxınlığında məskunlaşan məcburi köçkünlər yollarının bağlandığını, hündür onların evlərinə gələn yola postlar qoyulduğunu deyirlər.
“Ətrafı tikə-tikə gedirlər… Ay başına dönüm, burdan hasarlayırlar, ordan tikirlər… Elə ki, səsimizi çıxarırıq, gözlərini bərəldirlər ki, “susun, prezidentə iqamətgah tikirik. Buna qarşı çıxası deyilsiz ki…” "İndi başa düşmüşük ki, prezidentin adından istifadə edirlər." Video burada
Bu günki AzadlıqLive-da:
İpoteka Fondu Açıq Səhmdar Cəmiyyəti oldu. Nə dəyişəcək? Natiq Cəfərli izah edir
Qaradağda Buta-Qızıldaş qəsəbələrində cəzaçəkmə müəssisələrinə gedən əzablı yollar
Nazirinə mədhiyyə yazan müdir töhmət aldı
Nazirə şeir yazan müdirə töhmət verildi
Mədəniyyət və turizm naziri Əbülfəz Qarayevin 28 oktyabr 2015-ci il tarixli əmri ilə Kitab dövriyyəsi və nəşriyyatlarla iş şöbəsinin müdiri Vaqif Quliyevə (Bəhmənliyə) töhmət elan olunub.
Buna səbəb nazirliyin həmin məsul işçisinin 5-6 ay əvvəl nazirə şeir həsr etməsidir və nazirin bu şeiri heç vaxt çap etdirməməsini tapşırmasına baxmayaraq bu şeiri bu günlərdə 525-ci qəzetdə çap etdirməsidir.
Həmin şeirdən bir parça:
Əbülfəs müəllim, dilinə qurban,
Tamam düz deyirsən,
dediyin haqdı –
Yaxşılıq yolunda can qoymusan, can,
Nə ki yamanlıq var, səndən uzaqdı.
Qəlbini bir dəfə boşaldıb ildə,
hətta dil tapırsan iblis adamla.
Bülbültək ötürsən beş-altı dildə,
Pisliyin dilini bilmirsən amma.
və s. və i. a. beləcə şeir davam edir.