Kosovo parlamentində müxalifətdən olan millət vəkilləri parlamentin iclas zalına etiraz olaraq gözyaşardıcı qaz qumbarası atıblar.
Müxalifətçi millət vəkilləri Kosovonun serb çoxluğu olan bölgələrinə daha geniş muxtariyyət verilməsi barədə Serbiya ilə razılaşmaya etiraz edirlər.
Ötən həftə müxalifətin eyni “aksiyasına” görə bir millət vəkili həbs edilib.
Kosovo albanları 1999-cu ildən başlayan qiyamlarının nəticəsi olaraq 2008-ci ildə müstəqillik qazanıblar.
Əksər Qərb ölkələri Kosovonuin müstəqlliyini tanısa da, Rusiya və Serbiya bunu etməyiblər.