Azərbaycanda pensiya yaşı artırıla bilər- [karikatura] #AzadliqLive http://t.co/pYQ67nyAny via @radioazadliq
— AzadliqRadiosu (@RadioAzadliq) 28.9.2015
Vətəndaşlıq qanununa təklif olunan dəyişikliklər
Sentyabrın 30-da Milli Məclis “Azərbaycan Respublikasının Vətəndaşlığı haqqında” qanuna əlavə və dəyişikləri müzakirə edəcək. Ölkə prezidenti «Azərbaycan Respublikasının vətəndaşlığı haqqında» qanuna bir sıra dəyişikliklər təklif edir. Təklif olunan dəyişikliklərin məğzi nədir?
Hüquqşünas Müzəffər Baxış deyir ki, təklif olunun əlavə və dəyişikləri texniki xarakterlidir:
“15-ci və 17-ci maddə vətəndaşlığa bərpa və çıxarılmanın prezidentin səlahiyyətində olduğu qeyd olunur. 16-cı maddənin 2-ci bəndində yazılanlar isə bu qanuna edilən sonuncu dəyişmlərdən sonra lazımsız idi. O ki, qaldı 18-ci maddəyə olunan əlavə mətndən aydın olmur ki, söhbət hansı məhkəmə qərarlarından gedir. Yəqinki plenar iclasda bu da məlum olar”.
Azərbaycan Parlamenti 2014-cü ilin mayında “Vətəndaşlıq haqda qanun”nun 18-ci maddəsinə aşağıdakı dəyişikliyi etmişdi:
“Xarici ölkənin dövlət və ya bələdiyyə orqanlarında çalışanlar, silahlı qüvvələrində və ya digər silahlı birləşmələrində könüllü xidmət edənlər Azərbaycan vətəndaşlığını itirir”.
Maksim Galkin Azərbaycanca danışır
Məşhur parodiya ustası Maksim Galkin Rusiya televiziyasında 1-ci kanalda “Veçerniy Urqant” şousunun qonağı olub. Galkin suala cavabda “Mən Azərbaycan dilini öyrənmişəm” - cavabını verib. “Telefon ya söndürülüb, ya sındırılıb, ya da başını atıb , yatıb” . Bunun ardınca özbəkcə deyir ki, özbəkcə öyrənə bilmir. (Videoda 5:52-dən başlayaraq bax).AzadlıqRadiosunun özbək xidmətindən deyirlər ki, Galkin özbəkcə bu videoda çox yaxşı danışır.
2015-ci ildə Bakıda Heydər Əliyev adına sarayda verdiyi konsert zamanı Maksim Galkin Səməd Vurğunun “Azərbaycan” şeirini Azərbaycan dilində demişdi.
Bakıda Cəfər Cabbarlı heykəlinin yaxınlığında dilənçilərlə polis qarşıdurması
Polis dilənən qadının əvvəlcə uşağını PPX maşınına mindirib. Bunun ardından dilənçi qadın qışqırmağa başlayıb. Ətrafdakı insanlar səsi eşidib, hadisə yerinə toplaşıblar.
Polislər dilənçiləri maşına güclə mindiriblər. Bu zaman digər bir dilənçi qadın oraya gəlib. Hadisəni görüb və həyəcan keçirib. Halı pisləşən qadın yerə yıxılıb.
Azərbaycanda dilənçiliyə qarşı qanun yoxdur. Polis onları bir yandan tutub, bölməyə aparır, sonra buraxır.