Keçid linkləri

2017, 22 Yanvar, bazar, Bakı vaxtı 22:39

-

Gələn həftə BMT-də ABŞ prezidenti Barack Obama 100-dən çox liderin iştirakıyla antiterror sammitinə ev sahibliyi edəcək. İraqın baş naziri Haider al-Abadi də sammitə qatılacaq.

Sentyabrın 29-da keçiriləcək sammitə 104 ölkə dəvət olunub. Sammitdə ABŞ-ın rəhbərliyi ilə İslam Dövləti silahlı qruplaşmasına qarşı aparılan kampaniya da dəyərləndiriləcək.

Tədbirə dəvət almayan ölkə İrandır. Baxmayaraq ki, İran qonşu İraqda İD-ə qarşı mübarizədə əsas rol oynayıb, İraq ordusu və şiə döyüşçülərə hərbi müşavir, silah, təlimlə yardım göstərib.

Obama ötən il BMT Baş Assambleyasındakı çıxışında İD-ə qarşı mübarizə vəd etmiş, ölkələri ABŞ kampaniyasına qoşulmağa çağırmışdı.

O vaxtdan bəri yaraqlılar Suriya və İraqda yeni ərazilər tutub, Liviya, Yəmən və Yaxın Şərqdə mövqelərini möhkəmləndirib. Hətta Nigeriyanın Boko Haram qruplaşması ilə də əlaqə yaradıb.

XS
SM
MD
LG