Tələbənin yataqxana, ev problemi
«İndi kirayə ev axtaranlar daha çox tələbələrdir. Əlimizdə olan birotaqlı, normal şəraitli bina evlərinin qiyməti 300-350 manatdır. Bundan aşağı yoxdur. Bu evlər «Nərimanov», «Gənclik» metrostansiyaları tərəfdədir. Şəhərdən uzaqlaşdıqca, qiymət bir az ucuzlaşır».
Qazax rayon sakini Tahir Məmmədli deyir ki, yataqxana problemi həllini tapmadığı üçün oğlu Nəriman bu il də kirayə evdə qalmalı olacaq. Ən ucuz evlər isə normal şəraiti olmayan həyət evləridir. Bu evlərin qiyməti 200-250 manatdır: «Özü də şəraitsiz evlərdir. Bir qapı, bir pəncərədir."
Pakistanda azərbaycanlı qadın polis məntəqəsindən qaçıb
Pakistanda saxlanmış bir azərbaycanlı qadın polis məntəqəsindən qaçıb. Pakistanın Dawn.com saytı yazır ki, polis reyd edərkən pasport, viza kimi sənədləri qaydasında olmayan 2 azərbaycanlı qadını tutub, polisə gətirib. Məntəqədə polis zabiti əldə olan sənədlərin surətini çıxardıb və başını qaldırıb görüb ki, qadınlardan biri yoxdur. Hələlik həmin qadını tapmayıblar.
Qəbul imtahanı : ildə 3 dəfə?
Facebook-da “Qəbul imtahanı ildə bir neçə dəfə keçirilsin” adlı kampaniya başlayıb.Tarixçi alim Altay Göyüşov AzadlıqRadiosuna deyir ki, Azərbaycanda universitetə qəbul ildə bir neçə dəfə aparılmalıdı: “Bir günə bu qədər stressi salmaq nəticələrə təsir edir. İnsanın imtahan günü halı pisləşə bilər, və s. Elə olur ki, abituriyent qaralamada yazır doğru, ağlamaya köçürəndə səhv edir. Bu çox böyük bir iş deyil- qaydaları dəyişmək olar və imtahanı ildə üç dəfə keçirmək olar".
Bu gün gələn iki xəbərə görə, Gəncədə bir 17 yaşlı oğlan, Kürdəmirdə bir 18 yaşlı qız testdən keçə bilmədiklərinə görə, intihar ediblər.
17 yaşında 3 uşaq anası
2014-cü ildə Azərbaycanda 170 min uşaq dünyaya gəlib. 25 min 500 uşağı rəsmi nikahı olmayan qadınlar doğub. Bu 2013-cü ildəkindən 4 min uşaq daha çoxdur. Nikahdankənar doğuşlar şəhərlərdə azalsa da, kənd yerlərində artıb.