Keçid linkləri

Təcili xəbərlər
2020, 17 Fevral, Bazar ertəsi, Bakı vaxtı 22:19

Xədicənin məhkəməsi davam edəcək

AzadlıqRadiosu-nun əməkdaşı, araşdırmaçı jurnalist Xədicə İsmayıla qarşı məhkəmə prosesini dəqiqəbədəqiqə izləməklə yanaşı həm də jurnalistin həbsinə aparan hadisələri yada sala bilərsiz.


AzadlıqRadiosu-nun araşdırmaçı-jurnalisti, radionun Bakı bürosunun keçmiş rəhbəri Xədicə İsmayıl 2014-cü il dekabrın 5-də Tural Mustafayev adlı şəxsi intihar həddinə çatdırmaq ittihamı ilə həbs edilib.

Sonradan bu ittiham ləğv edilib amma jurnalistə qarşı AzadlıqRadiosu-nun Bakı bürosunun rəhbəri vəzifəsində çalışdığı müddətdə vəzifə səlahiyyətlərini aşma, vergidən yayınma kimi ittihamlar da irəli sürülüb.

X.İsmayıl bildirir ki, prezident İlham Əliyev və digər yüksəkvəzifəli məmurların qanunsuz biznes fəaliyyətini araşdırdığı üçün belə basqıyla üzləşib.

Ən yeni xəbərlər bloqun əvvəlində yerləşdirilir. Mətndən aşağıda göy rəngli «davamı» düyməsini basmaqla bloqu vərəqləmək, əvvəlki postlarla da tanış olmaq mümkündür.

17:20 16.7.2015

Xədicə İsmayıl şantaj edilir

2012-ci il martın 7-də Azadlıq Radiosunun araşdırmaçı jurnalisti Xədicə İsmayıl hədə məktubu alır. Naməlum şəxslər onu təhdid edirlər ki, “susmayacağı təqdirdə” seks görüntüləri yayınlanacaq, “rüsvay olacaq”.

X.İsmayıl şantaj qarşısında geri çəkilmir və görüntülər İnternetə qoyulur. Jurnalist ona qarşı kampaniyanın, evinə kamera quraşdırılmasının arxasında Milli Təhlükəsizlik Nazirliyi və Prezident Aparatının dayandığını bəyan edir.

17:28 16.7.2015

"Bu ölkəni zibildən təmizləməyə öyrəşmişəm”

Xədicə İsmayıl
Xədicə İsmayıl

2013-cü ildə isə X.İsmayıl Bakıda keçirilən dinc aksiyada iştirakına görə saxlanaraq 500 manat cərimələnmiş, cəriməni ödəməkdən imtina etdiyi üçün Binəqədi Rayon Məhkəməsi onu 220 saatlıq məcburi ictimai işə, küçə süpürməyə məhkum etmişdi.

X.ismayıl “mənim üçün problem deyil, bu ölkəni zibildən təmizləməyə öyrəşmişəm” demişdi.

17:42 16.7.2015

Ramiz Meydiyevdən "dövlətə xəyanət" ittihamı

Xədicə İsmayılın həbsindən az əvvəl Prezident Aparatının rəhbəri Ramiz Mehdiyev mətbuatda çap edilmiş yazısında X.İsmayılı “Antiazərbaycan təbliğatında, dövlətə xəyanətdə, yalan yaymaqda” ittiham etmişdi.

17:49 16.7.2015

Xədicə İsmayıl həbs edildi

Xədicə İsmayıl 3 ildən 7 ilədək azadlıqdan məhrum edilə bilər
Gözlə

No media source currently available

0:00 0:03:08 0:00

Azadlıq Radiosunun araşdırmaçı jurnalisti, radionun Bakı bürosunun keçmiş rəhbəri Xədicə İsmayıl 2014-cü il dekabrın 5-də həbs edilib. İlk olaraq onu Tural Mustafayev adlı jurnalist həmkarını intihar həddinə çatdırmaqda suçlayıblar.

Davamı

Şərhlər (45)

Bu forum dayandırılıb

Günün bütün mövzuları

XS
SM
MD
LG