Keçid linkləri

2024, 28 Mart, Cümə axşamı, Bakı vaxtı 17:47

Xədicənin məhkəməsi davam edəcək

AzadlıqRadiosu-nun əməkdaşı, araşdırmaçı jurnalist Xədicə İsmayıla qarşı məhkəmə prosesini dəqiqəbədəqiqə izləməklə yanaşı həm də jurnalistin həbsinə aparan hadisələri yada sala bilərsiz.

AzadlıqRadiosu-nun araşdırmaçı-jurnalisti, radionun Bakı bürosunun keçmiş rəhbəri Xədicə İsmayıl 2014-cü il dekabrın 5-də Tural Mustafayev adlı şəxsi intihar həddinə çatdırmaq ittihamı ilə həbs edilib.

Sonradan bu ittiham ləğv edilib amma jurnalistə qarşı AzadlıqRadiosu-nun Bakı bürosunun rəhbəri vəzifəsində çalışdığı müddətdə vəzifə səlahiyyətlərini aşma, vergidən yayınma kimi ittihamlar da irəli sürülüb.

X.İsmayıl bildirir ki, prezident İlham Əliyev və digər yüksəkvəzifəli məmurların qanunsuz biznes fəaliyyətini araşdırdığı üçün belə basqıyla üzləşib.

Ən yeni xəbərlər bloqun əvvəlində yerləşdirilir. Mətndən aşağıda göy rəngli «davamı» düyməsini basmaqla bloqu vərəqləmək, əvvəlki postlarla da tanış olmaq mümkündür.

18:12 15.10.2015

Xədicənin məhkəməsindən videoreportaj

Xədicə İsmayılın apellyasiya məhkəməsi...
Gözlə

No media source currently available

0:00 0:02:42 0:00

16:57 15.10.2015

Vəsatətlər təmin edilmədi.

Fəxrəddin Mehdiyev
Fəxrəddin Mehdiyev

Vəkil Fəxrəddin Mehdiyev deyir ki, müdafiə tərəfi Oktyabrın 15-də keçirilən prosesdə bir neçə vəsatət qaldırıblar.

Amma bu vəsatətlərdən heç biri təmin olunmayıb:”

Müdafiə tərəfi bir neçə vəsatət qaldırdı.

1-ci vəsatət Xədicə ismayılın ünsiyyət və müdafiə hüququnu daha yaxşı təmin etmək üçün onun şüşə qəfəsdən çıxarılıb vəkillərin yanında oturması ilə bağlı idi. İkinci vəsatət həbs-qətimkan tədbirinin ev dustaqlığı ilə əvəz edilməsi, 3-cü vəsatət isə məhkəmənin istintaq və yaxud qismən istintaqla aparılması ilə bağlı idi. Amma hakim İlqar Murtuzov bu vəsatətlərin heç birini təmin eləmədi”.

Vəkil Fəxrəddin Mehdiyev deyir ki, müdafiə tərəfi birinci instansiya məhkəməsində işin ədalətli araşdırılması ilə bağlı bir sıra mühümm vəsatətlər təqdim edib, amma onların heç biri təmin olunmayıb və müdafi tərəfi buna görə də işin istintaq və qismən istintaqla aparılmasını istəyir.

Növbəti proses oktyaqbrın 29-na təyin edilib.

15:30 15.10.2015

Vəkil Xədicə ilə danışdı

Xədicə İsmayıl məhkəməyə gətiriləndə komvoy vəkilin onunla danışmasına mane olmağa cəhd göstərib, amma vəkilin təkidindən sonra o komvoyun nəzarəti ilə qısaca danışa bilib.

Məhkəmədə hüquqşünaslar, ictimai-siyasi fəallar, jurnliatlər və gənclər iştirak edir. Məhkəmənin önünə xeyli adam yığışıb.

12:57 15.10.2015

Oktyabrın 15-də Bakı Apellyasiya Məhkəməsi jurnalist Xədicə İsmayılın şikayətinə baxacaq.

Vəkil Fariz Namazlı deyir ki, ilkin baxış iclası olacaq: «Biz Xədicə İsmayılın ev dustaqlığına buraxılmasını istəyəcəyik, eyni zamanda vəsatət qaldıracağıq ki, apellyasiya şikayətinə məhkəmə araşdırılması formasında baxılsın. İstintaq zamanı bir sıra sənədlər təqdim etmişdik, ancaq o sənədlər araşdırılmadı. Buna görə də vəsatət qaldıracağıq ki, məhkəmə istintaqı aparılsın».

Birinci instansiya məhkəməsi artıq özünüöldürmə həddinə çatdırma maddəsi ilə Xədicə İsmayıla bəraət verib.

Xədicə İsmayıl bu il sentyabrın 1-də qanunsuz sahibkarlıq, vergidən yayınma və vəzifə səlahiyyətlərindən sui-istifadədə təqsirli bilinərək 7 il yarım azadlıqdan məhrum edilib.

O, ittihamları rədd edir, həbsinin jurnalistlik və ictimai fəaliyyəti ilə, o cümlədən, ölkə prezidentinin ailəsinin biznesini araşdırması ilə bağlı olduğunu deyir.

Həbsindən sonra Xədicə İsmayıl söz və ifadə azadlığının müdafiəçisi kimi bir sıra beynəlxalq təşkilatların mükafatına layiq görülüb. Qərb təşkilatları onun həbsini pisləyib və Azərbaycan hakimiyyətindən jurnalistin dərhal azadlığa buraxılmasını istəyib.

Davamı

XS
SM
MD
LG