Keçid linkləri

Təcili xəbərlər
2022, 01 Oktyabr, şənbə, Bakı vaxtı 20:50

Azərbaycan xəbərləri

AZAL: Ucuzlaşma müzakirə edilir

Arxiv fotosu

-

“Azərbaycan Hava Yolları” QSC (AZAL) bu gün mətbuatda yayılmış Bakı-İstanbul aviareysinin qiymətinin 90 manata endirilməsi ilə bağlı xəbərə münasibət bildirib. Fins.az-a açıqlama verən AZAL-ın vitse-prezident Sabir İlyasov bildirib ki, bu məsələdə hələ ki, konkret yenilik yoxdur:

“Hazırda biletlərin ucuzlaşdırılması ilə bağlı məsələ müzakirə olunur”

Bütün xəbərləri izləyin

Arakel Martikyan: Cermukda itirilən mövqelər taktiki yox, strateji baxımdan önəmlidir

Arakel Martikyan 29 sentyabr 2022

AzadlıqRadiosunun erməni xidməti yazır ki, "iki həftə sonra Azərbaycan bölmələrinin Cermukdan geri çəkildimi və ya qovuldumu-sualına Ermənistan Müdafiə Nazirliyinin sözçüsü birbaşa cavab verməsə də, deyib vəziyyət dəyişərsə, bu barədə məlumat verəcəklər.

Radio yazır ki, bu arada Cermuk sakinləri bildiriblər ki, azərbaycanlılar nəinki getməyib, əksinə mövqelərini möhkəmləndirirlər. Şirak Buniatyanın sözlərinə görə, azərbaycanlıları şəhərdən adi gözlə görmək olur.

“Cermukun bir az yuxarısında dayandığınız zaman onları görə bilərsiniz, onlar mühəndis işləri ilə fəal məşğul olurlar. Hətta işləyən traktorları da gördük. Hərbi bilgim yoxdur, onların mühasirəyə alıb-almadığını deyə bilmərəm, amma adamların onların olduğu yerdən gəlib-getdiyini gördüm... Bunu mühasirə hesab etmək olarsa, mən belə bir mühitin nə olduğunu bilmirəm”, - Buniatyan bildirib.

Yazıda qeyd olunur ki, Cermuk istiqamətində irəliləyən 10-12 nəfərlik azərbaycanlı qruplaşma barədə daha əvvəl Baş Qərargah rəisi Eduard Asryan məlumat verib. O, hərbçilərin təpənin üstündə yerləşdiyini göstərərək əlavə edib ki, dəstəyə su və yemək verilməsə, bir neçə günə ehtiyatları tükənəcək və onlar oranı tərk etməli olacaqlar.

“Qrup cinahlardan bölmələrimiz tərəfindən mühasirəyə alınıb, yəni taktiki vəziyyəti stabil qiymətləndirirəm, bizim məharətli hərəkətlərimiz nəticəsində bu dəstə oradan ayrılacaq”, - deyə o bildirib.

O da qeyd olunur ki, hökumətin son iclasında baş nazir Nikol Paşinyan yerini dəqiqləşdirmədən bildirib ki, iki gün əvvəl Azərbaycan tərəfi Ermənistan ərazisindən mühəndis işləri aparan erməni bölməsi istiqamətində zərbələr endirib. O, Cermuku nəzərdə tutub-tutmadığını dəqiqləşdirməyib.

Ermənistan Silahlı Qüvvələrinin Baş Qərargahının yüksək rütbəli nümayəndəsi isə Cermukda itirilən mövqelərin az taktiki əhəmiyyət daşıdığını iddia edib, digər tərəfdən isə etiraf edib ki, Azərbaycan tərəfi həmin mövqelərdən erməni yaşayış məntəqələrini izləyir.

“Son hallara gəlincə, Cermuk bölgəsində ən böyük ərazi itkilərimiz oldu. Deməzdim ki, onların burada ciddi ərazi irəliləyişi var. Onlar bir neçə döyüş mövqeyini ələ keçirə bildilər, lakin bu döyüş mövqeləri taktiki baxımdan o qədər də vacib deyil. Strateji nöqteyi-nəzərdən onlar vacibdir, çünki onlar bilavasitə bizim yaşayış məntəqələrimizin üstündədir”, - deyə Silahlı Qüvvələrin Baş Qərargah rəisinin müavini Arakel Martikyan bildirib.

Ter-Petrosyan: 'Azərbaycanla sülhə getməsək, yenidən dövlət qurmalı olacağıq'
Gözlə

No media source currently available

0:00 0:04:23 0:00

Lakin o, 13 sentyabr sərhəd toqquşmasından sonra Ermənistanın neçə mövqe itirdiyini dəqiqləşdirməyib.

Martikyan həmçinin Azərbaycan tərəfindən atılan mərmilərin təmizlənməsi ilə bağlı məsələlərdən danışıb. O həmin mərmilərin yaşayış məntəqələrindən uzaq olduğunu deyib:

“Bəzi ərazilərdə hələ də mərmilər var, onlar yaşayış məntəqələrindən uzaqda yerləşdiyi üçün yaxın iki gün ərzində yerindəcə məhv ediləcək”-Martikyan bildirib.

Yazıda o da iddia olunur ki, bir il əvvəl əgər 41 kvadrat kilometr ərazi Azərbaycanın nəzarətinə keçibsə son hadisələrdə bunun üzərinə daha 10 kvadrat kilomet əlavə olub.

Azərbaycan prezidenti İlham Əliyev isə Laçına səfəri zamanı Azərbaycan ordusunun Ermənistan ərazilərinə girməsi ilə bağlı qarşı tərəfin iddialarını əsassız adlandırıb.

“Əgər Ermənistan bizi ittiham etmək istəyirsə ki, onların ərazisinə girmişik, bunun heç bir əsası yoxdur,” - deyən Əliyev əlavə edib ki, “əgər sərhəd onların dediyi yerdədidisə sərhədi quraydılar, sərhəd xətlərini inşa edəydilər, kommunikasiyaları, mühəndis işlərini quraydılar”. Prezidentin sözlərinə görə, sərhədlər delimitasiya olunmadan heç kəs sərhədin haradan keçdiyini deyə bilməz. O, Azərbaycanın müzakirələrə hazır olduğunu, delimitasiya komissiyalarının - Azərbaycan-Ermənistan komissiyalarının işinə məsuliyyətlə yanaşdığını vurğulayıb.

Sentyabrın 12-13-də Azərbaycanın Kəlbəcər rayonu istiqamətində Ermənistanla Azərbaycan arasında silahlı toqquşma olub. Azərbaycan 77 əsgərin həlak olduğunu bildirb və onların siyahısını açıqlayıb. Bundan başqa rəsmi məlumatlarda 282 hərbçinin və iki mülki şəxsin yaralandığı qeyd olunub. Ermənistan tərəfi isə azı 207 hərbçi itirdiyini açıqlayıb. Amma Yerevan həmin hərbçilərin adbad siyahısını açıqlamayıb.

Xatırlatma

2020-ci ildə 44 günlük İkinci Qarabağ müharibəsi nəticəsində Azərbaycan Qarabağın bir hissəsinə və ətraf 7 rayona nəzarəti bərpa etmişdi.

Azərbaycan, Ermənistan və Rusiya rəhbərliyinin imzladığı birgə bəyanatla döyüşlər dayandırılandan sonra Laçın dəhlizində və Qarabağdakı təmas xəttində Rusiya sülhməramlıları yerləşdirilib.

Keçmiş Dağlıq Qarabağ Muxtar Vilayətinin çox hissəsinin tanınmayan qurumun və Rusiya sülhməramlılarının nəzarətində qaldığı bildirilir.

Sözü gedən dəhliz Laçın şəhərindən keçdiyinə görə, 2 il əvvəl rayon Azərbaycana təhvil verilsə də, şəhərə yaxın günlərə qədər Rusiya silahlı qüvvələri nəzərət edib.

Azərbaycan Laçın şəhərindən yan keçən alternativ yolu sentyabrın əvvəllərində başa çatdırıb.

1988-ci ildə başlayan Qarabağ münaqişəsi Azərbaycan və Ermənistan arasında döyüşlərə səbəb olub. 1994-cü ildə gerçəkləşən atəşkəs razılaşmasına qədər Azərbaycanın Dağlıq Qarabağ bölgəsi və ona bitişik 7 rayonu işğal edilmişdi.

Ermənistanda valideynlər oğullarının meyitini özləri tapıb basdırır
Gözlə

No media source currently available

0:00 0:14:55 0:00

Füzulidə 2 nəfərin minaya düşərək həlak olduğu bildirilir

İllüstrativ foto

Məlumata görə, prokurorluq əməkdaşları hadisə yerinə və meyitlərə baxış keçirib, məhkəmə-tibb ekspertizası təyin edilib, digər prosessual hərəkətlər yerinə yetirilib

Sentyabrın 30-da Füzuli rayonunun işğaldan azad olunmuş ərazisində 1986-cı il təvəllüdlü Amid Əsədov və 2007-ci il təvəllüdlü Çərkəz Quluzadənin minaya düşərək həlak olduqları deyilir.

Füzuli Rayon Prokurorluğundan AZƏRTAC-a bildirilib ki, hadisənin rayonun Yuxarı Dilağarda kəndində baş verdiyi müəyyən edilib.

Məlumata görə, prokurorluq əməkdaşları hadisə yerinə və meyitlərə baxış keçirib, məhkəmə-tibb ekspertizası təyin edilib, digər prosessual hərəkətlər yerinə yetirilib:

“Faktla bağlı Füzuli Rayon Prokurorluğunda Cinayət Məcəlləsinin müvafiq maddələri ilə cinayət işi başlanıb.Hazırda iş üzrə istintaq davam edir.”

Məsələyə, hələlik, həlak olanların yaxınlarından münasibət almaq mümkün olmayıb.

Azərbaycan rəsmiləri deyirlər ki, 2020-ci ildə üçtərəfli bəyanatın imzalanmasından sonra işğaldan azad edilən ərazilərdə 250 civarında şəxs minaya düşüb. Onların 40-a yaxının həlak olduğu bildirilir.

Üçtərəfli bəyanatın imzalanmasından bir müddət sonra, Azərbaycan rəsmiləri Ermənistan tərəfini minalanmış ərazilərin xəritələrini onlara verməməkdə günahlandırırdı.

Lakin 10 noyabr razılaşmasından sonra Azərbaycanda tutulan Ermənistan hərbçilərindən bir neçə qrupunun təhvil verilməsi əvəzi azad olunan bir sıra rayonlara (Füzuli daxil) aid mina xəritələrinin alındığı açıqlanmışdı. Amma sonradan da Azərbaycan rrezidenti həmin xəritələrin reallığı böyük ölçüdə əks etdirməməsi ilə bağlı narazılığını ifadə etdi.

Buna cavab olaraq Ermənistan Baş naziri N.Paşinyan bu il deyib ki, “Biz əlimizdə olan xəritələri Azərbaycana verdik”

Nikol Paşinyan əlavə edib ki, onlar “yaxşısını siyirtmədə saxlayıb, pis keyfiyyətdə olanı verməyiblər”.

Xatırlatma

2020-ci ildə, İkinci Qarabağ müharibəsi nəticəsində Azərbaycan Dağlıq Qarabağ bölgəsinin bir hissəsinə və ətraf 7 rayona (Füzuli rayonu daxil) nəzarəti bərpa edib.

Həmin ilin 10 noyabr razılaşmasına (Azərbaycan, Ermənistan və Rusiya arasında) əsasən, döyüşlər dayandırılıb, Laçın dəhlizində ( Laçın rayonu Ermənistanla sərhəddə yerləşir) və Qarabağdakı təmas xəttində Rusiya sülhməramlıları yerləşdirilib.

Qarabağ münaqişəsi 1988-ci ildə başlayıb. 1994-cü ildə gerçəkləşən atəşkəs razılaşmasına qədər Azərbaycanın Dağlıq Qarabağ bölgəsi və ona bitişik 7 rayonu işğal edilmişdi.

Bolqarıstan və Azərbaycan prezidentləri görüşüb

İlham Əliyev və Rumen Radev

Sentyabrın 30-da Sofiyada Azərbaycan Prezidenti İlham Əliyevin Bolqarıstan Prezidenti Rumen Radev ilə əvvəl təkbətək, daha sonra isə geniş tərkibdə görüşü olub.

AZƏRTAC-ın xəbərinə görə, R.Radev deyib ki, "biz Yunanıstan-Bolqarıstan qaz İnterkonnektorunun açılışını edəcəyik".

Onun fikrincə, bu, həm Bolqarıstan, həm də Avropa qitəsi üçün strateji əhəmiyyətə malik bir layihədir: "Çünki bununla Avropanın enerji xəritəsini yenidən cızırıq. Biz artıq Azərbaycandan real olaraq təbii qaz alacağıq. Bu da, təbii ki, bizim təminatı və təchizatı şaxələndirəcək".

İ.Əliyev də, öz növbəsində, bildirib ki, Bolqarıstan-Azərbaycan əlaqələri çoxşaxəlidir: "Azərbaycan etibarlı qaz təchizatçısı kimi Avropa ölkələri üçün önəm daşıyan ölkədir. Bizim üçün də Avropa bazarı, o cümlədən Bolqarıstan və sizin qonşu ölkələrin bazarları böyük maraq kəsb edir".

+++

Azərbaycan Prezidenti İlham Əliyev sentyabrın 30-da Bolqarıstana rəsmi səfər edib.

İ.Əliyevin bu səfər çərçivəsində Bolqarıstanın yüksək vəzifəli dövlət və hökumət nümayəndələri ilə görüşü nəzərdə tutulur.

Bu görüşlərdə həm ikitərəfli, həm də regional məsələlərin müzakirəsi gözlənir.

İran səfirliyi qarşısında 'azadlıq' şüarı səsləndirilib

İranın Bakıdakı səfirliyi qarşısında etiraz aksiyası keçirilib
Gözlə

No media source currently available

0:00 0:02:31 0:00

Sentyabrın 29-da bir qrup şəxs Bakıda İranın Azərbaycandakı səfirliyinin binası qarşısında etiraz aksiyası keçiriblər. Hadisə yerində olan polis əməkdaşları onları səfirliyə bir elə yaxın buraxmayıb. Aksiyaçılar "Azadlıq, ədalət, milli hökumət" və başqa şüarlar səsləndiriblər.

Aksiya iştirakçıları bildirib ki, onlar son günlər İranda baş verən hadisələrlə bağlı toplaşıblar.

Həmin şəxslər əlavə ediblər ki, İranın indiki dini rejimi bu ölkədə yaşayan bütün xalqlar, o cümlədən türklər üçün təhlükə daşıyır: "İranın totalitar molla rejimi insanların dini etiqad azadlığına, ifadə azadlığına, şəxsi həyatın toxunulmazlığına hörmət etmir və insanlara qarşı ən amansız üsullardan istifadə edir. Hətta aksiya iştirakçılarını öldürməyə belə çəkinmirlər…".

Aksiya iştirakçıları deyiblər ki, onlar İranda yaşayan bütün insanların, millətlərin qurtulmasını istəyirlər.

Aksiya insidentsiz başa çatıb. Orada səslənən fikirlərlə bağlı İran səfirliyindən münasibət öyrənmək mümkün olmayıb. Amma bu ölkənin rəsmiləri orada xalqların hüquqlarının pozulması ilə bağlı fikirləri qəbul etmirlər.

Xatırlatma

Sentyabrın 16-da İranda 22-yaşlı gənc Məhsa Amini soyadlı xanımı əxlaq polisinin saxlaması və daha sonra onun ölümü kütləvi etirazlara səbəb olub.

İranın bir çox əyalətlərini bürüyən etiraz aksiyalarında indiyə kimi onlarca şəxsin həlak olduğu bildirilir.

2023-cü il 'Heydər Əliyev İli' elan edilib

Bakıda Heydər Əliyevin posteri

Azərbaycan Respublikasında 2023-cü il "Heydər Əliyev İli" elan edilib.

Bu barədə bu gün, sentyabrın 23-də Prezident İlham Əliyev sərəncam imzalayıb.

H.Əliyev hazırkı Prezident İlham Əliyevin atasıdır. O, 1993-cü ildən 2003-cü il, ölümünə qədər Azərbaycan Respublikasına rəhbərlik edib.

H.Əliyevin Azərbaycana ilk rəhbərlik dönəmi isə SSRİ dövrünə təsadüf edir. O, 1969-1982-cü illər arası Azərbaycan SSR Kommunist Partiyasının birinci katibi postunu tutub. Daha sonra Kremlə, Sovet İttifaqı Kommunist Partiyasinin (Sov.İKP) Siyasi Bürosuna aparılıb. Eyni zamanda, SSRİ Nazirlər Soveti sədrinin birinci müavini postunu tutub.

1987-ci ildə həmin postlardan kənarlaşıb. 1990-ci ildə Azərbaycana gələn H.Əliyev Naxçıvan Muxtar Respublikası Ali Məclisinin rəhbəri seçilib.

1993-cü ildə Gəncədə hakimiyyətə polkovnik Sürət Hüseynovun başçılığı ilə silahlı itaətsizlikdən sonra ovaxtkı Prezident Əbülfəz Elçibəyin dəvəti ilə Bakıya gəlib. Əvvəlcə Azərbaycan Milli Məclisinin sədri seçilib, sonra isə elə həmin il keçirilən prezident seçkisindən qalib çıxıb.

Gələn il H.Əliyevin doğulmasının 100 ili tamam olacaq.

Ondan sonra Azərbaycana 19 ildir onun oğlu, hazırkı Prezident İlham Əliyev rəhbərlik edir. Heydər Əliyev ölümündən az öncə o vaxt Azərbaycan Dövlət Neft Şirkətinin (SOCAR) vitse-prezidenti postunu tutan İ.Əliyevi baş nazir təyin etmişdi. Azərbaycanda baş nazir postu həmin vaxt prezidentdən sonra hakimiyyətdə, konstitusiyaya görə, ikinci mühüm vəzifə sayılırdı. İndi isə, konstitusiyaya görə, ölkədə ikinci post birinci vitse-prezident vəzifəsi sayılır. Həmin vəzifəni isə Prezident İ.Əliyevin xanımı Mehriban Əliyeva tutur.

2022-ci il Azərbaycanda Şuşa, 2021-ci il isə "Nizami Gəncəvi ili" elan edilmişdi.

Hikmət Hacıyev Ceyk Sallivan və Armen Qriqoryanla görüşüb

Armen Qriqoryan və Hikmət Hacıyev

Azərbaycan prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev sentyabrın 27-i ABŞ-da bu ölkə prezidentinin milli təhlükəsizlik məsələləri üzrə müşaviri Ceyk Sallivan və Ermənistanın Təhlükəsizlik Şurasının katibi Armen Qriqoryanla görüşüb.

Bu barədə C.Sallivan bildirib: "Bu gün birbaşa, konstruktiv danışıqlar üçün Hikmət Hacıyev və Armen Qriqoryanla müzakirələr apardıq. Biz növbəti şiddətin qarşısının alınmasının, vaxta bağlı və diqqət mərkəzində olan danışıqların aparılmasının vacibliyini müzakirə etdik. Biz sabit və dayanıqlı sülhə dəstək olaraq irəliyə doğru konkret addımlar da müəyyənləşdirdik".

Bundan öncə Azərbaycan və Ermənistan xarici işlər nazirləri sentyabrın 20-də Nyu-Yorkda görüşmüşdülər. Ondan sonra ABŞ-dan tərəflərə bir ay ərzində yenidən görüşməklə bağlı çağırış səslənmişdi.

Amma iki həftə öncə Azərbaycan və Ermənistan sərhədində vəziyyət yenidən gərginləşdi. Tərəflər atəşkəsin pozulmasına görə bir-birlərini günahlandırırlar. Ermənistan Azərbaycan hərbçilərinin onun ərazisinə daxil olduğunu, Azərbaycan isə qarşı tərəfin təxribatı ilə üzləşdiyini vurğulayıb. Sentyabrın 14-dən tərəflər arasında yenidən atəşkəs əldə edildiyi bildirilib.

Xatırlatma

2020-ci ildə 44 günlük İkinci Qarabağ müharibəsi nəticəsində Azərbaycan Qarabağın bir hissəsinə və ətraf 7 rayona nəzarəti bərpa etmişdi. Azərbaycan, Ermənistan və Rusiya rəhbərliyinin imzaladığı birgə bəyanatla döyüşlər dayandırılandan sonra Laçın dəhlizində və Qarabağdakı təmas xəttində Rusiya sülhməramlıları yerləşdirilib.

1988-ci ildə başlayan Qarabağ münaqişəsi Azərbaycan və Ermənistan arasında döyüşlərə səbəb olub. 1994-cü ildə gerçəkləşən atəşkəs razılaşmasına qədər Azərbaycanın Dağlıq Qarabağ bölgəsi və ona bitişik 7 rayonu işğal edilmişdi.

Bakıda İran səfirliyi qarşısında aksiya olub

Aksiyaçılardan bir qrupu

Sentyabrın 27-də bəzi fəallar Bakıda İran səfirliyinin qarşısında etiraz aksiyası keçiriblər

Sentyabrın 27-də bəzi fəallar Bakıda İran səfirliyinin qarşısında etiraz aksiyası keçiriblər.

Aksiya iştirakçıları "Qadınlardan əlini çək", "Rədd olsun əxlaq gözətçiləri" sözləri yazılmış köynəklər geyiniblər.

Onlar əllərində tutduqları qara parçanı yandırmağa çalışıb, lakin polis əməkdaşları buna imkan verməyib.

Aksiya iştirakçılarının sözlərinə görə, İranda qadınlar öz azadlıqları uğrunda mübarizə aparırlar:

"Onların azadlıqlarını məhdudlaşdırmağa çalışırlar.”

Fəallar qeyd ediblər ki, İranda xanımlardan birini geyimi ilə bağlı əxlaq polisi saxlayıb və sonradan o vəfat edib.

Aksiya iştirakçıları vurğulayıblar ki, bu da etirazlara səbəb olub.

Aksiya insidentsiz başa çatıb, saxlanan olmayıb.

Məsələ ilə bağlı İranın Azərbaycandakı səfirliyindən münasibət öyrənmək mümkün olmayıb.

Xatırlatma

Verilən məlumatlara görə, təqribən 10 gün əvvəl, sentyabrın 16-da İranda 22-yaşlı gənc Məhsa Amini soyadlı xanımı əxlaq polisinin saxlaması və daha sonra onun ölümü kütləvi etirazlara səbəb olub.

İranın bir çox əyalətlərini bürüyən etiraz aksiyalarında indiyə kimi onlarca şəxsin həlak olduğu bildirilir.

Azərbaycan Ermənistana məxsus PUA endirdiyini deyir

Amma bu məlumata, hələlik, Ermənistan Müdafiə Nazirliyinin münasibəti bəlli deyil

Azərbaycan Müdafiə Nazirliyi bildirir ki, Ermənistan silahlı qüvvələrinə məxsus “UL-350” tipli pilotsuz uçuş aparatı (PUA) endirilib.

Nazirliyin açıqlamasına görə, həmin PUA-a Laçın rayonu istiqamətində Azərbaycan ordusunun mövqeləri üzərində uçuşlar həyata keçirməyə cəhd göstərib:

Ermənistan silahlı qüvvələrinə məxsus “UL-350” tipli pilotsuz uçuş aparatı bölmələrimiz tərəfindən aşkar olunaraq xüsusi texniki vasitələrlə yerə endirilib.”

Amma bu məlumata, hələlik, Ermənistan Müdafiə Nazirliyinin münasibəti bəlli deyil.

İki həftə oncə Azərbaycan və Ermənistan sərhəddində vəziyyət yenidən gərginləşib. Hər iki tərəfdən hərbi qullqçunun həlak olduğu bildirilib.

Tərəflər atəşkəsin pozulmasına görə, bir-birlərini günahlandırırlar.

Ermənistan Azərbaycan hərbi quluqçularının onların ərazisinə daxil olduğunu, Azərbaycan isə öz növbəsində qarşı tərəfin təxribatıyla üzləşdiyini vurğulayıb.

Sentyabrın14-dən tərəflər arasında yenidən atəşkəs əldə edildiyi bildirilib.

İlqar Məmmədov: 'Bizim Qərbi Zəngəzurda gözümüz yoxdur, amma...'
Gözlə

No media source currently available

0:00 0:08:43 0:00

Xatırlatma

2020-ci ildə 44 günlük İkinci Qarabağ müharibəsi nəticəsində Azərbaycan Qarabağın bir hissəsinə və ətraf 7 rayona nəzarəti bərpa etmişdi.

Azərbaycan, Ermənistan və Rusiya rəhbərliyinin imzladığı birgə bəyanatla döyüşlər dayandırılandan sonra Laçın dəhlizində və Qarabağdakı təmas xəttində Rusiya sülhməramlıları yerləşdirilib.

1988-ci ildə başlayan Qarabağ münaqişəsi Azərbaycan və Ermənistan arasında döyüşlərə səbəb olub.

1994-cü ildə gerçəkləşən atəşkəs razılaşmasına qədər Azərbaycanın Dağlıq Qarabağ bölgəsi və ona bitişik 7 rayonu işğal edilmişdi.

Azərbaycanda Anım Günüdür

Müharibənin ildönümü anılır
Gözlə

No media source currently available

0:00 0:02:05 0:00

Bu gün, sentyabrın 27-də Azərbaycanda Anım Günü qeyd edilir. İki il öncə, 2020-ci il sentyabrın 27-də 44 günlük İkinci Qarabağ müharibəsi başlayıb. Bu müharibənin başlamasına görə tərəflər bir-birlərini günahlandırıb.

44 günlük müharibədə Azərbaycan işğal altında olan ərazilərinin bir hissəsini geri qaytarıb. Noyabrın 10-da Azərbaycan, Ermənistan və Rusiya rəhbərliyinin imzaladığı üçtərəfli bəyanata əsasən, döyüşlər dayandırılıb. Laçın dəhlizində və Qarabağdakı təmas xəttində Rusiya sülhməramlıları yerləşdirilib.

Razılaşmaya uyğun, az sonra işğalda qalan ərazilərdən Kəlbəcər, Laçın və Ağdam rayonu da Azərbaycanın nəzarətinə keçib. Amma dəhliz Laçın şəhərindən keçdiyindən iki il o, Rusiya sülhməramlı qüvvələrinin nəzarətində qalıb. Yalnız bu il Laçın şəhərindən yan keçən alternativ yolun çəkilişi ilə bağlı şəhər Azərbaycanın nəzarətinə qaytarılıb. Ermənistanla Dağlıq Qarabağı birləşdirən həmin alternativ yolun, hələlik, yalnız Azərbaycana düşən hissəsi hazırdır.

Beləliklə, Azərbaycan Qarabağın bir hissəsinə və ətraf 7 rayona nəzarəti bərpa edib. Keçmiş Dağlıq Qarabağ Muxtar Vilayətinin çox hissəsinin tanınmayan qurumun və Rusiya sülhməramlılarının nəzarətində qaldığı bildirilir.

Bu müharibə nəticəsində Azərbaycanın 3 min civarında hərbi qulluqçusunun həlak olduğu, 6-sının isə itkin düşdüyü bildirilir.

Ermənistanın isə həmin döyüşlərdə 3 min 770-dən çox hərbi qulluqçusunun həlak olduğu, 240-dan çoxunun isə itkin düşdüyü açıqlanıb.

1988-ci ildə başlayan Qarabağ münaqişəsi Azərbaycan və Ermənistan arasında döyüşlərə səbəb olub. 1994-cü ildə gerçəkləşən atəşkəs razılaşmasına qədər Azərbaycanın Dağlıq Qarabağ bölgəsi və ona bitişik 7 rayonu işğal edilmişdi.

Bakı və Yerevan nümayəndələrinin görüşü açıq qalır

Ned Prays

"Ötən həftə (sentyabrın 20-də) Nyu-Yorkda Dövlət katibi Entoni Blinken tərəflərə sülh prosesini necə irəli aparmaq barədə fikir mübadiləsi aparmağı təklif edib".

Bunu sentyabrın 26-da ABŞ Dövlət Departamentinin nümayəndəsi Ned Prays mətbuat üçün gündəlik brifinqdə bildirib.

"Turan" agentliyinin Vaşinqtondakı müxbirinin "Tərəflər həqiqətən sülh prosesində maraqlıdırlarmı" sualına Prays belə cavab verib: "Qoy, tərəflər özləri fikir söyləsinlər, bizim üçün iki tərəfi yaxınlaşdırmaq vacib idi".

"ABŞ ayın sonunda xarici işlər nazirlərinin növbəti görüşü üçün tarix və yer təklif edirmi" sualının cavabında Prays deyib: "Bunu iki ölkə həll edəcək, Ermənistanla Azərbaycan arasında birbaşa qarşılıqlı fəaliyyət təkcə onların maraqlarına yox, həm də regionun və onun hüdudlarından kənarda maraqlara uyğundur".

N.Prays sonra da deyib: "Güc tətbiqi qəbuledilməzdir və biz bunu açıq şəkildə bəyan etmişik. Şadıq ki, bizim iştirakımız hərbi əməliyyatların dayandırılmasına kömək etdi, çünki bu münaqişənin hərbi yolla həlli yoxdur".

Bu açıqlamaya, hələlik, tərəflərdən hər hansı münasibət bildirilməyib.

Azərbaycan və Ermənistan xarici işlər nazirləri sentyabrın 20-də Nyu-Yorkda görüşmüşdülər. Ondan sonra ABŞ-dan tərəflərə bir ay ərzində yenidən görüşməklə bağlı çağırış səslənmişdi.

Ötən ilin dekabrından bəri Avropa İttifaqı Şurasının Prezidenti Şarl Mişelin təşəbbüs və iştirakı ilə Azərbaycanla Ermənistan liderlərinin dörd görüşü keçirilib. Sonuncu görüş avqustun sonunda olub. Görüşdə iki ölkə arasında sülh sazişi layihəsi üzərində iş aparmaq üçün xarici işlər nazirlərinə tapşırıq verilməsinə dair razılıq əldə edildiyi açıqlanmışdı. Amma iki həftə öncə Azərbaycan və Ermənistan sərhədində vəziyyət yenidən gərginləşdi. Tərəflər atəşkəsin pozulmasına görə bir-birlərini günahlandırırlar. Ermənistan Azərbaycan hərbçilərinin onun ərazisinə daxil olduğunu, Azərbaycan isə qarşı tərəfin təxribatı ilə üzləşdiyini vurğulayıb.

Sentyabrın 14-dən tərəflər arasında yenidən atəşkəs əldə edildiyi bildirilib.

Xatırlatma

2020-ci ildə 44 günlük İkinci Qarabağ müharibəsi nəticəsində Azərbaycan Qarabağın bir hissəsinə və ətraf 7 rayona nəzarəti bərpa edib. Azərbaycan, Ermənistan və Rusiya rəhbərliyinin imzaladığı birgə bəyanatla döyüşlər dayandırılandan sonra Laçın dəhlizində və Qarabağdakı təmas xəttində Rusiya sülhməramlıları yerləşdirilib.

1988-ci ildə başlayan Qarabağ münaqişəsi Azərbaycan və Ermənistan arasında döyüşlərə səbəb olub. 1994-cü ildə gerçəkləşən atəşkəs razılaşmasına qədər Azərbaycanın Dağlıq Qarabağ bölgəsi və ona bitişik 7 rayonu işğal edilmişdi.

Ailəsi Əvəz Zeynallı ilə nə görüşə, nə də danışa bilir

Əvəz Zeynallı

Dövlət Təhlükəsizliyi Xidmətinin (DTX) istintaq təcridxanasında saxlanan Əvəz Zeynallıya ailəsi ilə görüşə icazə verilmədiyi bildirilir.

Bu barədə jurnalistin həyat yoldaşı Məlahət Zeynallı bildirib: "Hətta telefon danışıqlarına da icazə verilmir. Mən artıq 15 gündən çoxdur onunla danışmıram. Bu da bir daha sübut edir ki, iş siyasidir və Əvəz Zeynallını susdurmaq məqsədini güdür".

O qeyd edib ki, axtarış zamanı Ə.Zeynallının evindən maddi vəsait götürülüb: "Bu, bizim ailə büdcəmizdir, o təkcə Əvəz Zeynallıya aid deyil ki… Görünür ki, burada məqsəd Əvəz Zeynallıya bacardıqca təsir, təzyiq etməkdir".

"Jurnalistin səhhəti yaxşı deyil"

M.Zeynallının sözlərinə görə, jurnalistin səhhəti yaxşı deyil: "Mənə dərman adını yazıb veriblər ki, bunu alım, vəkil vasitəsilə çatdırım. Bu, göz üçün dərmandır. Əvəz Zeynallı şəkər xəstəliyindən müalicə alırdı, indi müalicəni davam etdirib-etdirmədiyini bilmirəm. Həm də görünür ki, gözü zəifləməyə başlayıb. Gözündə təzyiq olduğu üçün çox güclü baş ağrıları olur onda".

Bu deyilənlərlə bağlı Baş Prokurorluğun Mətbuat xidmətindən "Turan"a bildirilib ki cinayət-prosessual tələblərinə uyğun olaraq, istintaq orqanından görüş üçün hər hansı məhdudiyyət tətbiq olunmayıb. Məsələyə, hələlik, Dövlət Təhlükəsizlik Xidmətindən isə münasibət almaq mümkün olmayıb.

Azərbaycan rəsmiləri, bir qayda olaraq, ölkədə siyasi həbslərin olması ilə bağlı deyilənləri qəbul etmirlər.

Xatırlatma

"Xural TV" internet televiziyasının rəhbəri Əvəz Zeynallı vəkil Elçin Sadiqovla birgə sentyabrın 10-da saxlanıb və onlar bir gün sonra həbs ediliblər. O, rüşvətdə, vəkil isə buna vasitəçilik etməkdə ittiham olunur.

Zeynallı "Baku Steel Company"nin keçmiş rəhbəri, həbsdə olan Rasim Məmmədovun ailəsindən 20 min manat rüşvət almada ittiham olunur. Sadıqov işadamı Məmmədovun vəkili idi. Lakin onların heç biri özlərini təqsirli bilmir.

Sentyabrın 17-də vəkil E.Sadiqovun apellyasiya şikayətinə baxılıb və o, ev dustaqlığına buraxılıb.

MN: Kəlbəcərdə üç Azərbaycan əsgəri yaralanıb

Azərbaycan Müdafiə nazirlyinin binası

Nazirlik hərbçilərin Ermənistan tərəfinin açdığı atəş nəticəsində yaralandığını, qarşı tərəf isə Azərbaycan hərbçilərinin döyüş mövqelərindən birinin arxa cəbhəsinə daxil olmağa cəhd etdiyini bildirir

Azərbaycanın Müdafiə Nazirliyi sentyabrın 23-də Ermənistan ərazisindən Kəlbəcərdəki mövqelərinin atəşə tutulduğunu və üç hərbçinin yaralandığını bildirir.

Sentyabrın 24-də yayılan məlumatda qeyd olunur ki, Azərbaycan ordusunun Kəlbəcərin İstisu və Zəylik yaşayış məntəqələrindəki mövqelərinin atəşə tutulması axşam saat 19:30-dan gecə 23:40-a qədər davam edib.

"Atəş nəticəsində Azərbaycan Ordusunun hərbi qulluqçuları Əmənullayev Rəşad Ağacan oğlu, Rəhimzadə Ruhid Oktay oğlu və Cavadov Rəvan Şəmsəddin oğlu yaralanıb.
Yaralı hərbi qulluqçularımıza dərhal ilkin tibbi yardım göstərilib. Onların həyatı üçün heç bir təhlükə yoxdur"-Nazirlik bildirir.

Məlumatda Azərbaycan ordusunun cavab tədbirləri gördüyü bildirilir və hadisəyə görə məsuliyyətin Ermənistanın hərbi-siyasi rəhbərliyinin üzərinə düşdüyü vurğulanır.

Ermənistan Müdafiə Nazirliyi isə atəşkəs pozuntusuna görə Azərbaycanı ittiham edir.

Nazirliyin sentyabrın 24-də yaydığı məlumatda qeyd olunur ki, sentyabrın 23-ü saat 19:30 radələrində Azərbaycan ordusunun bölmələrindən biri Ermənistan silahlı qüvvələrinin döyüş mövqelərindən birinin arxa cəbhəsinə daxil olmağa cəhd edib.

Qeyd olunur ki, Ermənistan silahlı qüvvələrinin cavab tədbirləri nəticəsində Azərbaycan hərbçiləri öz ilkin mövqelərinə geri atılıb.

"Sentyabrın 24-ü saat 10:00-a olan məlumata görə, vəziyyət nisbətən sabitdir”, - Ermənistan Müdafiə Nazirliyinin bəyanatında deyilir.

Ermənistan dronlara qarşı yeni imkanları nəzərdən keçirir
Gözlə

No media source currently available

0:00 0:06:07 0:00

Sentyabrın 12-si gecə və 13-ü səhər saatlarında Azərbaycan -Ermənistan sərhəd bölgəsində silahlı toqquşma olub. Azərbaycan Müdafiə Nazirliyininin yaydığı ilkin məlumata görə, Ermənistan silahlı qüvvələri Azərbaycan dövlət sərhədinin Daşkəsən, Kəlbəcər, Laçın, Zəngilan istiqamətlərində genişmiqyaslı təxribatlar törədib və nəticədə Azərbaycan Silahlı Qüvvələrin 50 hərbi qulluqçusu həlak olub.

Amma sonrakı rəsmi açıqlamalarda həlak olan hərbçilərinin sayınin 77-yə çatdığı bildirilib və həmin hərçilərin siyahısı dərc edilib.

Öz növbəsində Ermənistan rəsmiləri də baş verənlərə görə, Azərbaycanı günahlandırıblar və atəşkəsin ilk olaraq Azərbaycan tərəfdən pozulduğunu bəyan ediblər. Hətta iddia olunub ki, bu döyüşlər nəticəsində Azərbaycan ordusu Ermənistan ərazisinə daxil olub.

Ermənistanın baş naziri sərhəd toqquşmasında 105 hərbçi itirdiklərini bildirib. Amma indiyə qədər bununla bağlı hər hansı siyahı açıqlanmayıb. Sentyabrın 14-də Azərbaycan birtərfəli qaydada qarşı tərəfə 100-ə qədər hərbçinin cəsədini verməyə hazır olduğunu bildirb. Rəsmi məlumatla görə, indiyə qədər Azərbaycan Ermənistana 133 hərbçinin cəsədini qaytarıb.

Sentyabrın 21-də Laçın rayonunda səfərdə olan Azərbaycan prezidenti İlham Əliyev Azərbaycan ordusunun sərhədləri pozması ilə bağlı Ermənistan rəsmilərinin səsləndirdiyi fikirlərə belə reaksiya verib.

"...bizim sərhədimizin delimitasiyası keçirilmədən heç kim deyə bilməz sərhəd haradan keçir. Mən yenə də deyirəm, biz müzakirələrə hazırıq və delimitasiya komissiyalarının - Azərbaycan-Ermənistan komissiyalarının işinə məsuliyyətlə yanaşırıq. Bütün xəritələri toplamışıq. Bir daha demək istəyirəm ki, bütün xəritələr, o cümlədən XIX əsrə, XX əsrə, ondan əvvəlki dövrə aid olan xəritələr bizdədir və o xəritələr açıq-aydın göstərir, kim hansı torpaqda yerləşibdir. Ona görə delimitasiya aparılmadan bizi heç kim ittiham edə bilməz"-İlham Əliyev bildirib.

BMT arxivindəki xəritələrdə Zəngəzur necə göstərilir?
Gözlə

No media source currently available

0:00 0:04:18 0:00

Xatırlatma

Azərbaycan 2020-ci ildə 44 günlük savaş nəticəsində Dağlıq Qarabağ bölgəsinin bir hissəsinə və ətraf 7 rayona nəzarəti bərpa edib. Həmin ilin 10 noyabr razılaşmasına (Azərbaycan, Ermənistan və Rusiya arasında) əsasən, döyüşlər dayandırılıb, Laçın dəhlizində və Qarabağdakı təmas xəttində Rusiya sülhməramlıları yerləşdirilib.

Keçmiş Dağlıq Qarabağ Muxtar Vilayətinin çox hissəsinin tanınmayan qurumun və Rusiya sülhməramlılarının nəzarətində qalıb. Amma, hələlik, tərəflər arasında sülh sazişi imzalanmayıb.

Azərbaycan və Ermənistan liderləri bu il Şarl Mişelin vasitəçiliyi ilə üç görüş keçiriblər. 31 avqust görüşündə iki ölkənin xarici işlər nazirlərinə sülh sazişinin mətni üzərində işləmək tapşırılıb.

Qorbaçov 1988-ci ildə Ermənistanda Qarabağ haqqında bunları demişdi
Gözlə

No media source currently available

0:00 0:05:06 0:00

'Kanal 13'ün rəhbərinə xəbərdarlıq edilib

Əziz Orucov

"Kanal 13" internet televiziyasının rəhbəri Əziz Orucova Baş Prokurorluqdan xəbərdarlıq verilib. Bu barədə Ə.Orucov özü məlumat verib. Onun sözlərinə görə, dünən, sentyabrın 22-də Baş Prokurorluğa dəvət olunub: ""Kanal 13"ün fəaliyyətinə görə dəvət olunmuşam. Orada izahat vermişəm. Arqumentli və əsaslı şəkildə əsaslandırmışam ki, gördüyümüz iş cəmiyyətin informasiya ilə təmin olunmasına xidmət edir və işimizin başqa bir məqsədi yoxdur".

Ə.Orucov deyir ki, buna baxmayaraq, ona xəbərdarlıq edilib: "Mənə bildirilib ki, "Kanal 13"də olan fəaliyyət ölkə mənafeyinə zərər vurur. Mən xəbərdarlığı imzalamaqdan imtina etdim".

Həmin videolar kanaldan götürülüb

Baş Prokurorluğun Mətbuat Xidmətindən "Turan"a Ə.Orucovun dediklərini təsdiqləyiblər.

Qurumdan bildirilib ki, "Kanal 13" adlı YouTube kanalının təsisçisi Ə.Orucova xəbərdarlıq verilib: ""İnformasiya, informasiyalaşdırma və informasiyanın mühafizəsi haqqında" və "Milli Təhlükəsizlik haqqında" haqqında qanunların tələbləri pozularaq "Kanal 13" kanalında sentyabrın 13-də Azərbaycan ordusunun işgüzar nüfuzuna xələl gətirən, dövlətin müdafiə qabiliyyətinin möhkəmləndirilməsi istiqamətində görülən işlərə kölgə salan videolar yerləşdirilib".

Açıqlamaya görə, xəbərdarlıqdan sonra həmin informasiyalar kanaldan götürülüb.

Xatırlatma

Ə.Orucov 2017-ci il mayın 2-də həbs edilmişdi. Əvvəlcə o, polisə müqavimətdə təqsirli bilinərək 30 sutka inzibati həbs cəzası alıb. İnzibati həbsin sona çatmasına az qalmış Baş Prokurorluğun Ağır Cinayətlərə Dair İşlər üzrə İstintaq İdarəsində ona cinayət işi başlanıb, haqqında həbs-qətimkan tədbiri seçilib.

Həmin ilin dekabrında Bakı Ağır Cinayətlər Məhkəməsi jurnalisti qeydiyyatsız qrant vəsaitlərindən qanunsuz gəlir əldə etməkdə təqsirli bilərək 6 il azadlıqdan məhrum edib. O, ittihamı qəbul etməyib.

2018-ci ilin aprelində Ali Məhkəmədə onun kassasiya şikayətinə baxılıb. Məhkəmə jurnalist barəsində Cinayət Məcəlləsinin 70-ci (şərti) maddəsini tətbiq edərək onu azadlığa buraxıb. Cəzası isə 6 ildən 3 ilə endirilib.

‘Bakcell’ və ‘Nar’ şəbəkəsində nasazlıq aradan qaldırılıb

Bugün, sentyabrın 21-də  axşam saatlarında Azərbaycanda  "Bakcell" və "Nar Mobile" mobil operatorların fəaliyyətində məhdudiyyətlər yarandığı bildirilir

Bu gün, sentyabrın 21-də bir neçə saat ərzində “Bakcell” və “Nar” şəbəkələrində yaranmış nasazlıq aradan qaldırılıb.

Hər iki qurumdan da qeyd edilib ki, xidmətlərində yaranan çətinlik bütün ölkə ərazisində tamamilə yoluna qoyulub.

***

Bugün, sentyabrın 21-də axşam saatlarında Azərbaycanda "Bakcell" və "Nar Mobile" mobil operatorların fəaliyyətində məhdudiyyətlər yarandığı bildirilir.

Bu barədə məlumatlar sosial şəbəkələrdə yayılıb.

Qeyd edilir ki, sözügedən mobil operatorlara məxsus nömrələrdən zəng vurmaq olmur, daxili zənglər qəbul edilmir və mobil internet işləmir.

"Bakcell Ltd" Məhdud Məsuliyyətli Cəmiyyətdən (MMC) “Turan” Agentliyinə deyilib ki, texniki nasazlıqla əlaqədar xidmətlərin göstərilməsində məhdudiyyətlər yaranıb:

"Texniki heyət çətinliyin tez bir zamanda aradan qaldırılması üçün işlər görür. Yaranan çətinliyə görə dəyərli abunəçilərimizdən üzr istəyir və tez bir zamanda xidmətlərimizin bərpa olunacağını bildiririk. Abunəçilərimizə əlavə məlumat veriləcək".

"Nar Mobile"-dən də bildirilib ki, problem texniki çətinliklə bağlıdır:

"Texniki çətinliklə əlaqədar şəbəkə xidmətlərimizdə müvəqqəti fasilə yaranıb. Hazırda heyətimiz xidmətlərin ən qısa zaman ərzində bərpa edilməsi üçün çalışır…”

Əvəz Zeynallı həbsdə qaldı

Əvəz Zeynallı

Amma 3 gün əvvəl, sentyabrın 17-də vəkil Elçin Sadiqovun apellyasiya şikayətinə baxılıb və o, ev dustaqlığına buraxılıb

“Xural TV” internet televiziyasının rəhbəri Əvəz Zeynallının həbs-qətimkan tədbirinin ev dustaqlığı ilə əvəz edilməsi ilə bağlı vəsatəti bugün, sentyabrın 21-də Binəqədi Rayon Məhkəməsində təmin olunmayıb.

Bu barədə onun vəkili Aqil Layıc bildirib.

O, qeyd edib ki, Zeynallı məhkəmədə bir daha təqsirsiz olduğunu bildirib:

"Qərardan apellyasiya şikayəti veriləcək".

Vəkil həmçinin qeyd edib ki, jurnalistə daha bir epizod üzrə yeni bir maddə - 312-1.1 (nüfuz alveri) əlavə olunub.

O əvvəlcə Cinayət Məcəlləsinin 311.3.3-cü ( küllü miqdarda rüşvətalma) maddəsi ilə ittiham edilirdi.

Həmin maddələr ilə şəxsə 12 ilə qədər həbs verilə bilər.

Xatırlatma

“Xural TV" internet televiziyasının rəhbəri Evəz Zeynallı vəkil Elçin Sadiqovla birgə sentyabrın 10-da saxlanılıb və onlar bir gün sonra həbs ediliblər.

O, rüşvətdə, vəkil isə buna vasitəçilik etməkdə ittiham edilir.

Zeynallı "Baku Steel Company"nin keçmiş rəhbəri, həbsdə olan Rasim Məmmədovun ailəsindən 20 min manat rüşvət almada ittiham olunur. Sadıqov işadamı Məmmədovun vəkili idi.

Lakin onların heç biri özlərini təqsirli bilmir.

Amma 3 gün əvvəl, sentyabrın 17-də vəkil Elçin Sadiqovun apellyasiya şikayətinə baxılıb və o, ev dustaqlığına buraxılıb.

‘Ya Hüseyn’ köynəklərinə görə həbs olduğunu deyən fəalın hökmü dəyişdi

Fəqan Məmmədov

Sentyabrın 21-də Bakı Apellyasiya Məhkəməsində ona kəsilmiş həbs cəzasının müddəti 6 ildən 2 ilə endirilib

Üzərində "Ya Hüseyn" yazılmış köynəyə görə həbs olunduğunu deyən inanclı fəal Fəqan Məmmədovun cəzası azaldılıb.

Sentyabrın 21-də Bakı Apellyasiya Məhkəməsində ona kəsilmiş həbs cəzasının müddəti 6 ildən 2 ilə endirilib.

Məhkəmə ona qarşı ittihamı CM-in 234.4.3 (satış məqsədilə külli miqdarda narkotik əldə etmə, saxlama, daşıma) maddəsindən 234.1 (satış məqsədi olmadan narkotik əldə etmə, daşıma, saxlama) maddəsinə tövsif edib.

Əvvəlki maddədə 5 ildən 12 ilə qədər azadlıqdan məhrumetmə cəzası nəzərdə tutulub. CM-in 234.1 maddəsində isə maksimum cəza həddi 3 ildir.

Məhkəmədə Məmmədov deyib ki, onun üzərində ümumiyyətlə, narkotik olmayıb. Onu Aşura mərasimləri üçün Bakıdan Gəncəyə üstündə “Ya Hüseyn” yazılmış köynəklər apardığına görə şərləyib həbs ediblər.

Onun sözlərinə görə, saxlandıqdan sonra Baş Mütəşəkkil Cinayətkarlıqla Mübarizə İdarəsində işgəncələrə məruz qalıb:

"Məni üzüstə yerə yıxıb, kürəyimdə oturdular, saatlarla bu vəziyyətdə saxladılar, “toka” verdilər...”

Məmmədovun cəzası yüngülləşdirilsə də, o, bu hökmlə də razılaşmır. Onun vəkili hökmdən Ali Məhkəməyə şikayət vermək niyyətindədir.

Əhməd Məmmədlinin həbsdə aclıq etdiyi deyilir

Əhməd Məmmədli

"D18 - Demokratiya 1918" Hərəkatının inzibati qaydada 30 sutka həbs olunan sədri Əhməd Məmmədlinin aclıq aksiyasına başladığı bildirilir.

Bu barədə Hərəkatdan məlumat verib.

Qeyd olunub ki, Ə.Məmmədli öz həbsini qanunsuz və siyasi sifariş hesab edir: "O öz həbsinə etiraz olaraq dünən, sentyabrın 20-dən aclıq aksiyasını başlayıb".

Bu deyilənlərə, hələlik, Azərbaycan Daxili İşlər Nazirliyi və başqa rəsmi qurumlardan münasibət öyrənmək mümkün olmayıb. Amma rəsmi qurumlar, bir qayda olaraq, Azərbaycanda siyasi sifarişli həbslərin olması ilə bağlı fikirləri qəbul etmirlər.

Əhməd Məmmədliyə 30 sutka verilib

"D18 - Demokratiya 1918" Hərəkatının sədri Əhməd Məmmədli sentyabrın 30-da Səbail Rayon Məhkəməsinin qərarı ilə 30 sutka inzibati qaydada həbs olunub. O, İnzibati Xətalar Məcəlləsinin 535 (Polis işçisinin və ya hərbi qulluqçunun qanuni tələbinə qəsdən tabe olmama) maddəsi ilə təqsirli sayılıb.

Amma gənc bu qərarı əsassız sayıb. Onun sözlərinə görə, həbsinə sülhdən danışması, Prezident İlham Əliyevi tənqid etməsi səbəb olub.

Onun bu açıqlamasına, hələlik, rəsmi qurumlardan münasibət almaq mümkün olmayıb.

'Niyə 'Korrupsionerləri tanı' kimi kampaniya aparılmır? Bu onu göstərir ki,...'
Gözlə

No media source currently available

0:00 0:05:46 0:00

Əhməd Məmmədlini polis saxlayıb

Daxili İşlər Nazirliyi (DİN) Mətbuat xidmətinin şöbə rəisi Elşad Hacıyev "Turan"a bildirib ki, Əhməd Məmmədlini polis əməkdaşları saxlayıb, araşdırma aparılır.

Amma o, araşdırmanın hansı məsələ üzrə aparıldığını söyləməyib.

+++

"D18 - Demokratiya 1918" Hərəkatının sədri Əhməd Məmmədlinin sentyabrın 20-də saxlanıldığı bildirilir.

Hərəkatdan verilən məlumata görə, Ə.Məmmədlini Bakıda, İslam Səfərli küçəsində mülki geyimli şəxslər saxlayıb: "Əhməd Məmmədlini zorla maşına mindirərək naməlum istiqamətə aparıblar".

Təşkilatdan hesab edirlər ki, bu, onun sosial şəbəkələrdə müharibə əleyhinə yazdığı paylaşımlarla bağlıdır.

Ötən həftə Azərbaycan və Ermənistan sərhədində vəziyyət yenidən gərginləşib. Tərəflər atəşkəsin pozulmasına görə bir-birlərini günahlandırırlar.

Xatırlatma

1988-ci ildə başlayan Qarabağ münaqişəsi Azərbaycan və Ermənistan arasında döyüşlərə səbəb olub. 1994-cü ildə gerçəkləşən atəşkəs razılaşmasına qədər Azərbaycanın Dağlıq Qarabağ bölgəsi və ona bitişik 7 rayonu işğal edilmişdi. 2020-ci ildə 44 günlük İkinci Qarabağ müharibəsi nəticəsində Azərbaycan Qarabağın bir hissəsinə və ətraf 7 rayona nəzarəti bərpa edib. Azərbaycan, Ermənistan və Rusiya rəhbərliyinin imzaladığı birgə bəyanatla döyüşlər dayandırılandan sonra Laçın dəhlizində və Qarabağdakı təmas xəttində Rusiya sülhməramlıları yerləşdirilib.

Əli Əliyev dördüncü dəfə təqsirləndirilir

Əli Əliyev həbs edildi... helikopter qəzasına görə
Gözlə

No media source currently available

0:00 0:01:27 0:00

Vətəndaş və İnkişaf Partiyasının (VİP) sədri Əli Əliyevə qarşı yeni cinayət işi açıldığı bildirilir. Bu barədə həmin partiyadan məlumat verilib.

VİP-dən deyilib ki, Ə.Əliyev Cinayət Məcəlləsinin 127.2.3 (Ümumi təhlükəli üsulla və ya xuliqanlıq niyyəti ilə qəsdən sağlamlığa az ağır zərər vurma) maddəsi ilə təqsirləndirilən şəxs kimi tanınıb: "Əli Əliyevin qanunsuz həbs həyatı yaşadığı Bakı İstintaq Təcridxanasında onunla bir kamerada saxlanan şəxslə insident yaşaması və ona, guya, xəsarət yetirməsi iddiası ilə bağlı istintaq işi Sabunçu rayon Polis İdarəsində aparılır. İstintaqın gedişində şahid qismində ifadəsi alınan Əli Əliyev indi təqsirləndirilən şəxsdir".

Yeni ittihamla Ə.Əliyevə 5 ilə qədər həbs cəzası verilə bilər.

"Əli Əliyevə qarşı dördüncü və növbəti qondarma…"

Partiyadan bu ittihamı "qondarma" adlandırıblar: "Görünən odur ki, ölkənin siyasi hakimiyyəti onun yarıtmaz fəaliyyətini sərt, amma obyektiv və etik çərçivədə ardıcıl tənqid edən Əli Əliyevin əsaslandırılmış, təkzibedilməz faktlara söykənən təhlillərinə münasibətdə çarəsiz qalıb, VİP sədrini zərərsizləşdirməyin tək yolunu onu uzun müddət həbsdə saxlamaqda görür. Əks halda, artıq barəsində üç qondarma ittiham üzrə qanunsuz həbs qərarı çıxarılmış Əli Əliyevə qarşı dördüncü və növbəti qondarma cinayət işinin açılmasına ehtiyac qalmazdı".

Bu məlumat ilə bağlı, hələlik, hüquq-mühafizə orqanları ilə danışmaq mümkün olmayıb. Amma Daxili İşlər Nazirliyindən "Turan"a bildirilib ki, məsələ ilə bağlı məlumat veriləcək.

Yüksək rütbəli zabitlər bir helikopterdə... ekspert bunun qadağan olunmasını tələb edir
Gözlə

No media source currently available

0:00 0:03:52 0:00

2022-ci ildə Əli Əliyevlə bağlı üç məhkəmə olub

VİP sədri Ə.Əliyev bu il yanvarın 13-də Dövlət Sərhəd Xidmətinin (DSX) zabiti Emil Cəfərovun şikayəti əsasında böhtan ittihamı ilə 5 ay azadlıqdan məhrum edilib.

Aprelin 15-də məhkəmə DSX-in digər zabiti Ramin Ədilovun da Əliyevə qarşı şikayətini təmin edərək cəzanın müddətini bir ay uzadıb.

İddialara səbəb Ə.Əliyevin 2021-ci il noyabrın 30-da DSX-ya məxsus Mİ-17 helikopterinin qəzaya uğraması nəticəsində sözügedən zabitlərin sağ qalmasının mümkünsüz olması barədə açıqlamasıdır. Ə.Əliyev hər iki hökmü rədd edərək həbsini "siyasi sifariş" adlandırıb. Məhkəmədə vurğulayıb ki, həmin şəxslərin helikopterdə olduğuna inanmır: "Ağlı başında olan adamlar bilir ki, o sürətlə yerə çırpılanda adam 1000 dərəcə istilikdən o vəziyyətdə çıxa bilməz. Mən çıxışımda o adamların adlarını çəkməmişəm…".

Ardınca - iyunun 23-də Yasamal Rayon Məhkəməsi Yeni Azərbaycan Partiyasının (YAP) keçmiş funksioneri Ramiz Göyüşovun şikayətini də təmin edərək Əliyevin cəzasını 1 ilədək artırıb. 2021-ci ilin sentyabrında Göyüşovun şəxsi həyatına aid görüntülər yayılandan sonra o, YAP-dan çıxarılıb. Göyüşov iddia edir ki, onunla bağlı video sosial şəbəkələrdə yayılandan sonra VİP sədri də internet televiziyalarından birində onu təhqir edib. Əliyev isə bununla razılaşmır.

Məhkəmə qarşısında etiraz aksiyası olub

Elnur Şükürova dəstək aksiyası

"Səda" internet televiziyasının həbsdə olan direktor müavini Elnur Şükürovun ailəsi sentyabrın 19-da Bakı Apellyasiya Məhkəməsinin qarşısında etiraz aksiyası keçirib.

Sentyabrın 19-da həmin məhkəmədə E.Şükürovun həbs qətimkan tədbirindən apellyasiya şikayətinə baxılıb və şikayət təmin olunmayıb.

Aksiya iştirakçıları əllərində E.Şükürovun və Prezident İlham Əliyevin şəkillərini tutublar.

E.Şükürovun yaxınları qeyd edib ki, onun həbsinin əsas səbəbi Cəlilabad rayonunun sosial problemlərinin işıqlandırılması ilə bağlıdır: "Elnuru dəfələrlə hədələyiblər, deyiblər ki, susmasan qardaşlarını həbs edəcəyik. Görəndə ki, bu alınmır, özünü susdurmağa çalışıblar. Bu, qurulmuş bir işdir, Elnur Şükürov şərlənib".

Onların sözlərinə görə, Binəqədi Rayon Məhkəməsinin qərarında E.Şükürovun istintaq zamanı Bakı İstintaq Təcridxanasında saxlandığı qeyd edilsə də, o, Dövlət Təhlükəsizliyi Xidmətinin təcridxanasında tutulub: "Axtarış zamanı deyiblər ki, bizə Əvəz Zeynallı ilə bağlı sənəd lazımdır". Aksiya zamanı insident baş verməyib.

Aksiyaya və orada səslənən fikirlərə, hələlik, rəsmi qurumlardan münasibət almaq mümkün olmayıb. Amma sentyabrın 14-də Baş Prokurorluqdan bildirilmişdi ki, Ə.Zeynallı və E.Sadıqovla bağlı istintaqın gedişində "Səda TV" MMC-nin faktiki rəhbəri E.Şükürovun qanunsuz əməlləri ifşa edilib.

E.Şükürov Cinayət Məcəlləsinin 312-1.1-ci (vəzifəli şəxsin qərarına qanunsuz təsir göstərmə - nüfuz alveri) maddəsi ilə təqsirləndirilən şəxs qismində cəlb edilib və barəsində Binəqədi Rayon Məhkəməsinin qərarı ilə həbs-qətimkan tədbiri seçilib.

Xatırlatma

Bu il sentyabrın 10-da vəkil Elçin Sadıqov və "Xural TV" internet televiziyasının rəhbəri Əvəz Zeynallı saxlanaraq bir gün sonra həbs ediliblər. Jurnalist rüşvətdə, vəkil isə rüşvətə vasitəçilik etməkdə suçlanır. "Baku Steel Company"nin keçmiş rəhbəri, həbsdə olan Rasim Məmmədovun ailəsindən 20 min manat rüşvət alındığı iddia olunur.

Lakin Sadıqov və Zeynallının heç biri özlərini təqsirli bilmir. Sentyabrın 17-də Bakı Apellyasiya Məhkəməsində keçirilən prosesdə vəkil E.Sadıqov barəsində verilmiş həbs-qətimkan tədbiri ev dustaqlığı ilə əvəzlənib. E.Sadıqov məhkəmə zalından birbaşa azad edilib.

Həlak olan hərbçilərdən kimin kredit borcu olub, silinib

Müharibədən sonra veteranlar: 'Gərək pul verəsən ki...'
Gözlə

No media source currently available

0:00 0:05:49 0:00

Bu ay Ermənistanla sərhəddə baş verən toqquşmalarda həlak olmuş Azərbaycan hərbçilərinin banklara olan bütün növ kredit öhdəlikləri və onlara hesablanmış faizlər tam silinib.

Bu barədə məlumatı "Azərbaycan Banklar Assosiasiyası" (ABA) İctimai Birliyi yayıb.

ABA 1990-cı ildə təsis olunub. Hazırda quruma 26 bank və 5 qeyri-bank təşkilatı daxildir.

Amma məlumatda silinən borcun ümumilikdə məbləği açıqlanmayıb.

Son günlər Azərbaycan və Ermənistan sərhədində vəziyyət yenidən gərginləşib.

Azərbaycan Müdafiə Nazirliyinin məlumatına görə, bu döyüşlərdə onlar tərəfdən ümumilikdə 80-ə yaxın hərbi qulluqçu həlak olub, 280-dən çox hərbçi isə yaralanıb.

Ermənistan tərəfi isə 135 hərbçi itirdiklərini açıqlayıb.

Tərəflər atəşkəsin pozulmasına görə bir-birlərini günahlandırırlar.

Sentyabrın14-dən tərəflər arasında yenidən atəşkəs əldə edildiyi bildirilib.

MN: 282 hərbçi yaralanıb

12-14 sentyabr tarixlərində Azərbaycan və Ermənistan sərhəd bölgəsində gedən silahlı toqquşmada Azərbaycanın 282 hərbçisi yaralanıb. Bu barədə sentyabrın 17-də Azərbaycanın Müdafiə Nazirliyi məlumat yayıb.

"Yaralanan 282 hərbi qulluqçudan 43 nəfəri ilkin tibbi yardımdan sonra ordu sıralarına qayıtmış, 115 nəfərin vəziyyəti kafi, 103 nəfər orta-ağır, 21 nəfərin vəziyyəti isə ağır olaraq qiymətləndirilir", - açıqlamada bildirilir.

Xatırlatma

2020-ci ildə 44 günlük İkinci Qarabağ müharibəsi nəticəsində Azərbaycan Qarabağın bir hissəsinə və ətraf 7 rayona nəzarəti bərpa etmişdi. Azərbaycan, Ermənistan və Rusiya rəhbərliyinin imzaladığı birgə bəyanatla döyüşlər dayandırılandan sonra Laçın dəhlizində və Qarabağdakı təmas xəttində Rusiya sülhməramlıları yerləşdirilib. Onda isə 3 minə yaxın hərbi qulluqçunun həlak olduğu bildirilmişdi. Həmin vaxt da onların kredit borclarının silindiyi açıqlanmışdı.

1988-ci ildə başlayan Qarabağ münaqişəsi Azərbaycan və Ermənistan arasında döyüşlərə səbəb olub. 1994-cü ildə gerçəkləşən atəşkəs razılaşmasına qədər Azərbaycanın Dağlıq Qarabağ bölgəsi və ona bitişik 7 rayonu işğal edilmişdi. Onda itkilərin daha çox olduğu bildirilib.

Azərbaycan 32 hərbçinin meyitini Ermənistana verib

Arxiv foto

Azərbaycan sentyabrın 17-də 32 erməni hərbçisinin meyitini qarşı tərəfə verib.

Bu barədə Azərtac Azərbaycanın Əsir və itkin düşmüş, girov götürülmüş vətəndaşlarla əlaqədar Dövlət Komissiyası-na istinadla məlumat yayıb.

Sentyabrın 12-14-də Azərbaycan-Ermənistan sərhədində genişmiqyaslı silahlı toqquşma olub. Hadisələrin səngiməsindən sonra Azərbaycanın Əsir və itkin düşmüş, girov götürülmüş vətəndaşlarla əlaqədar Dövlət Komissiyası məlumat yayaraq birtərəfli qaydada 100 erməni hərbçisinin meytini Yerevana verməyə hazır olduğunu bildirib. İndiyə qədər Ermənistan 135 hərbçisini itirdiyini bildirib və amma bunun son rəqəm olmadığı da qeyd olunub.

Azərbaycan Müdafiə Nazirliyinin yaydığı məlumata görə, hadisələr zamanı Azərbaycan 77 hərbçisini itirib. Həlak olanların hamısının adını açıqlanıb. Sentyabrın 17-də isə nazirlik 282 hərbçinin yaralandığı marədə məlumat yayıb. Bundan başqa məlumatda hadisələr zamanı iki mülki vətəndaşın da yaralandığı qeyd olunur.

Məlumatda həmçinin bildirilir ki, hazırda Ermənistan hərbçilərinə aid digər meyitlərin müayinəsi aparılır və yaxın zamanlarda onlar da təhvil veriləcək”.

Sentyabrın 12-si gecə və 13-ü səhər saatlarında Azərbaycan və Ermənistan sərhəd bölgəsində silahlı toqquşma olub. Azərbaycan Müdafiə Nazirliyinin yaydığı məlumata görə, Ermənistan silahlı qüvvələri Azərbaycan dövlət sərhədinin Daşkəsən, Kəlbəcər, Laçın, Zəngilan istiqamətlərində genişmiqyaslı təxribat törədiblər.

Ermənistan Müdafiə nazirliyi də sərhəddəki ailahlı toqquşmaya görə Azərbaycanı günahlandırıb.

Xatırlatma

Azərbaycan 2020-ci ildə 44 günlük savaş nəticəsində Dağlıq Qarabağ bölgəsinin bir hissəsinə və ətraf 7 rayona nəzarəti bərpa edib. Həmin ilin 10 noyabr razılaşmasına (Azərbaycan, Ermənistan və Rusiya arasında) əsasən, döyüşlər dayandırılıb, Laçın dəhlizində və Qarabağdakı təmas xəttində Rusiya sülhməramlıları yerləşdirilib.

Keçmiş Dağlıq Qarabağ Muxtar Vilayətinin çox hissəsinin tanınmayan qurumun və Rusiya sülhməramlılarının nəzarətində qalıb. Amma, hələlik, tərəflər arasında sülh sazişi imzalanmayıb.

Azərbaycan və Ermənistan liderləri bu il Şarl Mişelin vasitəçiliyi ilə üç görüş keçiriblər. 31 avqust görüşündə iki ölkənin xarici işlər nazirlərinə sülh sazişinin mətni üzərində işləmək tapşırılıb.

'Azərbaycan bölmələri Cermuxun 4.5 kilometrliyindədir'-Ermənistan MN
Gözlə

No media source currently available

0:00 0:03:34 0:00

Vəkil Elçin Sadıqov ev dustaqlığına buraxılıb

Həbsdən buraxılan vəkil Elçin Sadıqov: Qərar belədir ki, mən Bakıdan kənara çıxa bilmərəm...
Gözlə

No media source currently available

0:00 0:04:54 0:00

Sentyabrın 17-də Bakı Apellyasiya Məhkəməsində keçirilən prosesdə vəkil Elçin Sadıqov barəsində verilmiş həbs qətimkan tədbiri ev dustaqlığıyla əvəzlənib. Zəki Babayevin sədrlik etdiyi hakimlər kollegiyası bu barədə qərar çıxarıb. Elçin Sadıqov məhkəmə zalından birbaşa azad edilib.

Elçin Sadıqovun mediaya verdiyi açıqlamaya görə, məhkəmə qərarına görə, Bakını ümumiyyətlə tərk edə bilməz, daimi yaşayış yerini tərk etmə ilə də bağlı vaxt məhdudiyyətləri var. Qaldı ki, vəkillik fəaliyyətini davam etdirib-etdirməməsinə, Elçin Sadıqov deyib belə bir məhdudiyyət yoxdur.

"Mənim vəkillik fəaliyyətimlə bağlı hər hansı məhdudiyyət olmamalıdır. Bununla bağlı ən azından məhkəmənin qərarı olmalıdır. Vəkillik fəaliyyətimi davam etdirəcəm, amma Bakını və yaşayış yerini tərk edə bilmərəm. Yazılıb mən saat 23:30-dan səhər saat 6-ya qədər də daimi yaşadığım ünvanı tərk edə bilmərəm. Bu o deməkdir ki, hər hansı şəxs tutulanda məni vəkil kimi çağıra bilməz, mənim rayonlarda da məhkəmə proseslərim var, belə çıxır ki, mən o proseslərdə iştirak edə bilmərəm. Həftənin birinci günü bu məhdudiyyətlərin aradan qaldırılması üçün Binəqədi rayon məhkəməsinə müraciət etməyi planlaşdırıram".

Bir gün əvvəl jurnalist Əvəz Zeynallının həyat yoldaşı Məlahət Zeynallı "Xural" TV-də çıxış edərək yoldaşı ilə eyni gündə həbs olunan vəkil Elçin Sadıqov arasında üzləşmə olduğunu deyib.

Onun dediyinə görə, vəkil Elçin Sadıqova deyilib ki, o bütün ittihamları Əvəz Zeynallının üzərinə atsın və bunun əvəzində onu ev dustaqlığına buraxacaqlar.

Bu iddiaya Baş Prokurorluqdan hər hansı münasibət almaq mümkün olmayıb. Amma sentyabrın 17-də ev dustaqlığına buraxılan vəkil Elçin Sadıqov deyilənləri absurd adlandırıb.

"Bu absurddur, tamamilə yalandır, azad olunan şəxsi qaralamaq niyyəti güdür, bəlkə də Əvəz Zeynallını müdafiə etmək məqsədi güdür. Belə bir şey olmayıb".

Bu şikayət üzrə məhkəmə baxışı bir gün əvvələ - sentyabrın 15-nə təyin olunmuşdu. Lakin həmin vaxt məhkəmədə məlum olub ki, Sadıqovun vəkilləri prosesə qatılsalar da, onun özünü gətirməyiblər. Dəqiqləşdirilib ki, məhkəmə təyin olunan vaxtda Sadıqovu istintaq hərəkətləri ilə əlaqədar Baş Prokurorluğun İstintaq İdarəsinə aparıblar. Bu üzdən məhkəmə prosesi bir gün sonraya təyin edilib.

AzadlıqRadiosunun prokurorluqdakı mənbədən əldə etdiyi məlumata görə, günorta başlayan istintaq hərəkətləri gecə saatlarına qədər davam edib. Orada üzləşmə və başqa istintaq hərəkətləri aparılıb.

Vəkil Bəxtiyar Hacıyev: Elçin Sadıqov həbs olunmasını vəkillik fəaliyyətilə əlaqələndirir
Gözlə

No media source currently available

0:00 0:01:48 0:00

Xatırlatma

Elçin Sadıqov sentyabrın 10-da saxlanılıb. O, "Xural TV" internet televiziyasının rəhbəri Əvəz Zeynallının rüşvət almasına vasitəçilik etməkdə suçlanır. Zeynallı "Baku Steel Company"nin keçmiş rəhbəri, həbsdə olan Rasim Məmmədovun ailəsindən 20 min manat rüşvət alma ittihamı ilə sentyabrın 10-da həbs olunub. Sadıqov işadamı Məmmədovun vəkili idi.

Lakin Sadıqov və Zeynallının heç biri özlərini təqsirli bilmir. Vəkili Şəhla Hümbətovanın bildirdiyinə görə, Sadıqov həbsini peşə fəaliyyəti ilə əlaqələndirir, ictimai-siyasi fəallara vəkillik etdiyinə görə cəzalandırıldığını düşünür.

Zeynallının həyat yoldaşı Məlahət Zeynalova da onun jurnalist fəaliyyətinə, xüsusən tənqidi materiallarına görə sifarişlə cəzalandırıldığını bildirib.

Onların ittiham olunduğu CM-in 311.3.3 maddəsində 8 ildən 12 ilə qədər azadlıqdan məhrumetmə cəzası nəzərdə tutulub.

Ev və ofisində axtarış aparılan vəkil Elçin Sadıqov: Mən heç bir şey etməmişəm, hamısı uydurmadır
Gözlə

No media source currently available

0:00 0:00:45 0:00

Elçin Sadıqov aclıq aksiyasına başlayıb

E.Sadıqov

Həbsdə olan vəkil Elçin Sadıqov aclıq edir. Bu barədə AzadlıqRadiosuna onun müdafiəçisi İradə Cavadova məlumat verib.

"Əvvəl sadəcə qida qəbul etmirdi, son iki gündə sudan da imtina edib", - Cavadova bildirib.

Sentyabrın 16-da Bakı Apellyasiya Məhkəməsində Sadıqovun haqqındakı həbs qərarından verilmiş şikayətə baxılıb. Məhkəmədə təqsirləndirilən Sadıqov özü də iştirak edib. Onun özü də, vəkilləri də həbs qərarının əsassız olduğunu deyib. Vəkillər vurğulayıb ki, Sadıqov cəmiyyətdə tanınan şəxsdir, daimi yaşayış yeri var, onun həbsdə saxlanması üçün heç bir əsas yoxdur.

Hakimlər qərar vermək üçün məhkəmə prosesini sentyabrın 17-nə qədər təxirə salıb.

Vəkil Elçin Sadıqov gecə saatlarına qədər dindirilib

Sentyabrın 16-da Bakı Apellyasiya Məhkəməsində vəkil Elçin Sadıqov haqqındakı həbs qərarından verilmiş şikayətə baxılacaq. Vəkillə bağlı apellyasiya şikayətini Zəki Babayevin sədrlik etdiyi hakimlər kollegiyası araşdıracaq.

Bu şikayət üzrə məhkəmə baxışı bir gün əvvələ - sentyabrın 15-nə təyin olunmuşdu. Lakin həmin vaxt məhkəmədə məlum olub ki, Sadıqovun vəkilləri prosesə qatılsalar da, onun özünü gətirməyiblər. Dəqiqləşdirilib ki, məhkəmə təyin olunan vaxtda Sadıqovu istintaq hərəkətləri ilə əlaqədar Baş Prokurorluğun İstintaq İdarəsinə aparıblar. Bu üzdən məhkəmə prosesi bir gün sonraya təyin edilib.

AzadlıqRadiosunun prokurorluqdakı mənbədən əldə etdiyi məlumata görə, günorta başlayan istintaq hərəkətləri gecə saatlarına qədər davam edib. Orada üzləşmə və başqa istintaq hərəkətləri aparılıb.

Xatırlatma

Elçin Sadıqov sentyabrın 10-da saxlanılıb. O, "Xural TV" internet televiziyasının rəhbəri Əvəz Zeynallının rüşvət almasına vasitəçilik etməkdə suçlanır. Zeynallı "Baku Steel Company"nin keçmiş rəhbəri, həbsdə olan Rasim Məmmədovun ailəsindən 20 min manat rüşvət alma ittihamı ilə sentyabrın 10-da həbs olunub. Sadıqov işadamı Məmmədovun vəkili idi.

Lakin Sadıqov və Zeynallının heç biri özlərini təqsirli bilmir. Vəkili Şəhla Hümbətovanın bildirdiyinə görə, Sadıqov həbsini peşə fəaliyyəti ilə əlaqələndirir, ictimai-siyasi fəallara vəkillik etdiyinə görə cəzalandırıldığını düşünür.

Zeynallının həyat yoldaşı Məlahət Zeynalova da onun jurnalist fəaliyyətinə, xüsusən tənqidi materiallarına görə sifarişlə cəzalandırıldığını bildirib.

Onların ittiham olunduğu CM-in 311.3.3 maddəsində 8 ildən 12 ilə qədər azadlıqdan məhrumetmə cəzası nəzərdə tutulub.

Səmərqənddə Əliyev Çin və Türkiyə liderləri ilə görüşüb

Görüş

Sentyabrın 15-də Səmərqənddə Azərbaycan prezidenti İlham Əliyevin Çin Xalq Respublikasının Sədri Si Tsinpin ilə də görüşü olub.

AZƏRTAC-ın xəbərinə görə, söhbət zamanı iki ölkə arasında iqtisadi-ticarət əlaqələrinin inkişafı, ticarət dövriyyəsinin artırılması, investisiyaların təşviqi, enerji, kənd təsərrüfatı, nəqliyyat, logistika, elektron ticarət, avtomobil daşımaları və digər sahələrdə əməkdaşlıq üçün böyük perspektivlərin olduğu vurğulanıb.

Məlumata görə, sonda dövlət başçıları əlaqələrin dərinləşdirilməsi və daha da inkişafı üçün birgə səylərin bundan sonra da davam etdiriləcəyini bildirdilər.

***

Sentyabrın 15-də Səmərqənddə Azərbaycan Prezidenti İlham Əliyevin Türkiyə Prezidenti Rəcəb Tayyib Ərdoğan ilə görüşü olub.

AZƏRTAC-ın xəbərinə görə, görüşdə strateji müttəfiqlik münasibətlərinin bütün sahələrdə uğurla inkişaf etdiyi vurğulanıb.

Habelə dövlət başçıları energetika, nəqliyyat, logistika və digər sahələrdə əməkdaşlığa dair birgə layihələri müzakirə ediblər, gələcək təmaslarla bağlı fikir mübadiləsi aparıblar.

Azərbaycan prezidenti Özbəkistana gedib

Azərbaycan Prezidenti İlham Əliyev sentyabrın 15-də Özbəkistana səfər edib.

Özbəkistan Prezidenti Şavkat Mirziyoyevin dəvəti ilə gerçəkləşən bu səfərdə məqsəd Şanxay Əməkdaşlıq Təşkilatının (ŞƏT) dövlət başçılarının Səmərqənddə keçiriləcək Zirvə görüşündə iştirak etməkdir.

İ.Əliyevin bu səfər çərçivəsində bir sıra dövlət başçıları ilə, o cümlədən Rusiya Prezidenti Vladimir Putinlə görüşəcəyi də gözlənir.

Sammitdə 10-dan çox ölkənin liderinin iştirak edəcəyi bildirilib. Bura üzv və müşahidəçi ölkələrin liderləri, habelə qonaqlar daxildir.

Sammitdə geosiyasi məsələlər, iqtisadi və nəqliyyat sahəsində əməkdaşlıq müzakirə edilməlidir.

Sentyabrın 15-də başlayan sammit iki gün sürməlidir.

2001-ci ildə yaradılan Şanxay Əməkdaşlıq Təşkilatına Çin, Hindistan, İran, Qazaxıstan, Qırğızıstan, Özbəkistan, Pakistan, Rusiya və Tacikistan daxildir.

Bu gün, sentyabrın 15-də İran təşkilata üzv qəbul olunub.

Belarus, Əfqanıstan və Monqolustan ŞƏT-in müşahidəçi, Azərbaycan, Ermənistan, Kamboca, Nepal, Şri-Lanka və Türkiyə isə tərəfdaş ölkələr sırasındadır.

Ermənistan lideri Nikol Paşinyanın sammitə qatılmayacağı gözlənir.

Gələn ilin büdcəsinin gəlir və xərcləri açıqlanıb

Layihədə gəlir 5, xərclər 3 faiz artır

2023-cü il üçün dövlət büdcəsinin gəlirləri və xərcləri açıqlanıb.

Bu barədə Maliyyə Nazirliyinin məlumatında qeyd edilib.

Bildirilib ki, 2023-cü ildə dövlət büdcəsinin gəlirləri 30 milyard 720 milyon manat proqnozlaşdırılır .

Bu da 2022-ci ilin proqnozu ilə müqayisədə 1522,9 milyon manat və yaxud 5,2 faiz çoxdur.

Növbəti ildə dövlət büdcəsinin xərcləri isə 2022-ci illə müqayisədə 996,2 milyon manat və ya 3,1 faiz artımla 33 milyard 300 milyon manat proqnozlaşdırılır .

Bu ilki sənəddə neftin bir bareli 85 dollar götürülüb. Gələn ilin layihəsində isə bu rəqəm 50 dollar təşkil edir.

Hazırda dünya nazarında Azərbaycan neftinin bir bareli 95 dollardan baha satılır.

Davamı

XS
SM
MD
LG