Keçid linkləri

Təcili xəbərlər
2022, 02 Oktyabr, bazar, Bakı vaxtı 11:39

Küçə axırıncı vaqon kimi boşaltdı adamlarını...


Xəyalə Sevil

-

Xəyalə Sevil

Şeir

Həyat bu qədər sadə

Bu küçə də

axırıncı vaqon kimi

boşaltdı adamlarını.

Və bu gecə də

qaranlıq qara kəlağayını

saldı şəhərin boynuna.

Yol boyu uzanan gecə işıqları

açdı gözlərini.

Külək deyinə-deyinə

oyatdı yuxudan yarpaqları.

Yəni,

Həyat bu qədər sadə,

Həyat bu qədər təkrar.

Amma ürəyimdə

təkrarlanmayan biri var.

XS
SM
MD
LG