Abutalıbov Milli Şuraya mitinqi başqa günə keçirməyi təklif edir
Bakı Şəhər İcra Hakimiyyətinin başçısı Hacıbala Abutalıbov Demokratik Qüvvələrin Milli Şurasına Yasamal Rayon İdman-Sağlamlıq Kompleksinin stadionunda (keçmiş ”Məhsul” stadionu) mayın 30-da mitinq keçirməyə icazə verib.
ŞİH-dən APA-ya verilən məlumata görə, təşkilatçılarından xahiş olunur ki, “Sərbəst toplaşmaq azadlığı haqqında” qanuna əsasən ayrı-seçkiliyə, ədavətə və ya zorakılığa çağırışlarla müşayiət olunan, milli, irqi və ya dini ədavəti təbliğ edən və təhqiredici şüarlardan istifadə olunmamasına ciddi nəzarət edilsin.
Həmçinin, gələcəkdə planlaşdırılan mitinqlərin şənbə günlərinə təyin olunması məqsədəuyğun olduğu bir daha qeyd olunub.
Milli Şura mitinqini mayın 31-də - bazar günü keçirmək üçün müraciət etmişdi. Son aylarda mitinqlər "Talana son" şüarı ilə keçirilir.
Lavrovla Məmmədyarov Qarabağ məsələsini müzakirə edirlər
“Dağlıq Qarabağ münaqişəsinin həlli Rusiyanın xarici siyasətində əsas məsələlərdən biridir”.
APA-nın məlumatına görə, bunu mayın 25-də Rusiyanın xarici işlər naziri Sergey Lavrov azərbaycanlı həmkarı Elmar Məmmədyarovla görüşdən sonra bildirib.
O, Moskvanın hər iki tərəf üçün məqbul olan razılaşmanın əldə olunması yönündə səylərə dəstək verməkdə davam edəcəyini qeyd edib: “Münaqişənin çox uzandığını heç kəs inkar etmir. Razılaşma üçün real baza var və bunu hamı etiraf edir. İndi bu qarşılıqlı anlaşmanı konkret məzmuna çevrmək lazımdır”-deyə o vurğulayıb.
Elmar Məmmədyarov isə Dağlıq Qarabağ münaqişəsinin həlli ilə bağlı nikbin notlara şərik olduğunu bildirib: “Problem var və onu həll etmək lazımdır. Bunun vaxtı çoxdan yetişib”.
Prezidentin qəzəbli səsi (İnfoqrafika) #AzadliqLiveTV http://t.co/nEp1H4FlTN
— AzadliqRadiosu (@RadioAzadliq) 25.5.2015
Ilham Əliyev Tikinti Məcəlləsini sərtləşdirir
Prezident İlham Əliyev Şəhərsalma və Tikinti Məcəlləsinə dəyişikliklərin tətbiqi ilə bağlı fərman verib. Tapşırıq verib ki, tikintiyə icazənin, xüsusi nişanın forma və məzmunu onunla razılaşdırılaraq üç ay müddətində təsdiq edilsin.Bu barədə AzadlıqRadiosu AzərTAC-a istinadla xəbər verir.
Prezidentin təqdiqlədiyi Şəhərsalma və Tikinti Məcəlləsinə dəyişikliklərdə deyirlir ki, “İnsanların yaşaması və toplanması, habelə istehsalat fəaliyyətinin həyata keçirilməsi üçün nəzərdə tutulmayan yerüstü mərtəbələrinin sayı ikidən, hər mərtəbəsinin hündürlüyü 3 metrdən, ümumi sahəsi 1400 kvadratmetrdən və tikinti sahəsi 1000 kvadratmetrdən çox olmayan tikinti obyektlərinin tikintisi ilə bağlı məlumatlandırma icraatı həyata keçirilir və tikinti layihəsinin yalnız memarlıq-planlaşdırma bölməsinin hazırlanması tələb olunur.”
Bir neçə gün əvvəl Bakıda bina üzlüyünün alışmasından törəyən və 15 nəfərin həyatına son qoyan yanğından sonra prezident ümumilikdə, tikinti qaydalarının pozulmasına görə məmurları tənqid etmişdi.