-
Türk kinosunun əfsanə isimlərindən Zeki Alasya vəfat edib.
Türkiyə mediasının yaydığı xəbərə görə, usta sənətçi aprelin 22-dən qaraciyər xəstəliyi səbəbindən müalicə olunduğu «Koç» xəstəxanasında saat 10:32-də həyatla vidalaşıb.
O, aktyor həmkarı Metin Akpınar-la birlikdə oynadığı saysız filmlərlə məşhurlaşmışdı.
İSTANBUL-ŞAHZADƏBAŞINDA DÜNYAYA GƏLİB
Zeki Şenol Alasya 1943-cü il aprelin 18-də İstanbul-Şahzadəbaşında doğulub.
1964-cü ildən peşəkar teatr fəaliyyətinə başlayıb.
1967-ci ildən Haldun Taner, Metin Akpınar və Ahmet Gülhan-la birlikdə Dəvəquşu Kabare Teatrını yaradıb və bu teatrda aktyor, yazar və rejissor olaraq çalışıb.
1973-cü ildən filmlərdə çəkilib.
«MÖHTƏŞƏM İKİLİ»
Metin Akpınar-la 37 il boyunca müxtəlif filmlərdə rol alıb.
1977-ci ildən rejissorluğa başlayıb, çəkdiyi filmlərdə özü də oynayıb.
SON DƏFƏ «GÜLƏ-GÜLƏ» DEDİ VƏ HƏYATA GÖZ YUMDU...
Uzun fasilədən sonra son dəfə «Gülə-gülə» filmində çəkilib.
Zeki Alasya dövlət sənətçisi idi.
2010-cu ildə «Altın Portakal» Film Festivalında «Yaşam Boyu Onur Ödülü»nə layiq görülmüşdü.