Azərbaycan Kinematoqrafçılar İttifaqının rəhbəri, kinodramaturq Rüstəm İbrahimbəyovun təşəbbüsü ilə Azərbaycanda Beynəlxalq Kino Məktəbi yaradılıb. «14-24»ün qonağı, Bakı Dövlət Universitetinin tələbəsi Əfsanə deyir ki, Beynəlxalq Kino Məktəbində kino sahəsinə marağı olan gənclərin təhsil alması nəzərdə tutulur. Təhsil iki ildir. Məktəbdə gənclərə maraq dairəsindən asılı olaraq kinorejissorluq, kinoprodüserlik, kinoşünaslıq kimi ixtisaslar öyrədilir. Məktəbdə oxumaq üçün yaş məhdudiyyəti yoxdur, əsas bura müraciət edən gənclərin istedadlı və həvəsli olmalarıdır. «14-24»ün digər qonağı Azərbaycan Silahlı Qüvvələrinin Mahnı və Rəqs Ansamblının solisti, «Qızıl açar-2004» müsiqi müsabiqəsinin iştrakçısı Leyla Vahidqızı isə bildirir ki, o, aktrisa olmağı çox istərdi: «Baxmayaraq ki, müğənnilik edirəm».
Azərbaycanda Beynəlxalq Kino Məktəbi yaradılıb
