Keçid linkləri

2024, 19 Mart, çərşənbə axşamı, Bakı vaxtı 10:07

«Min nəfəs, bir səs» Türkdilli Teatrların Beynəlxalq Teatr Festivalı keçirilir


Festival
Festival

-

Türkiyənin Konya şəhərində «Min nəfəs, bir səs» Türkdilli Teatrların Beynəlxalq Teatr festivalı açılıb.

Akademik Milli Dram Teatrının mətbuat xidmətindən AzadlıqRadiosuna verilən xəbərə görə, builki festivalda teatrın direktoru İsrafil İsrafilov fəxri qonaq qismində iştirak edir.

Türkiyə Dövlət Teatrları Baş Müdirliyinin və Konya Dövlət Teatrının təşəbbüsü, Türkiyə Cümhuriyyəti Mədəniyyət və Turizm Nazirliyinin və Konya Valiliyinin dəstəyi ilə təşkil olunan «Min nəfəs, bir səs» artıq 8 ildir ki keçirilir və böyük maraqla qarşılanır.

Dostluq və sülhü hədəfləyən festivalda hər il müxtəlif ölkələrin türk dilində tamaşa hazırlayan teatr kollektivləri iştirak edir.

Ötən il festivalda Akademik Milli Dram Teatrı «İlahi oyun» tamaşasını göstərib.

Bu il Azərbaycanı Şəki Dövlət Dram Teatrının «Xəsis» tamaşası təmsil edəcək.

Festivalın builki proqramına Türkiyə, Azərbaycan, Qazaxıstan, Dağıstan, Başqırdıstan, Türkmənistan, Şimali Kipr, Albaniya və Xakasiya teatrlarının tamaşaları daxildir.

Festival müddətində məşhur türk dramatuqu Haldun Tanerin xatirəsinə həsr olunmuş beynəlxalq pyes müsabiqəsi də keçiriləcək.

TÜKRKSOY və Türkiyə Cümhuriyyəti Mədəniyyət və Turizm Nazirliyinin təşəbbüsü ilə keçiriləcək müsabiqədə bütün türkdilli xalqların nümayəndələri iştirak edəcək.

İsrafil İsrafilov müsabiqədə münsiflər heyətinin üzvü kimi iştirak edəcək.

Teatrın direktoru səfər çərçivəsində beynəlxalq əməkdaşlıq layihələri ilə bağlı bir sıra işgüzar görüşlər də keçirəcək.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG