AzadlıqRadiosu Xədicə İsmayıla PEN mükafatı verilməsini alqışlayır
AzadlıqRadiosunun baş redaktoru Nenad Pejic PEN Amerika Mərkəzinin araşdırmaçı-jurnalist Xədicə İsmayıla Barbara Goldsmith Yazmaq Azadlığı mükafatı verməsini alqışlayıb. Bu mükafat hər il «söz azadlığından istifadəyə görə həbs olunan yazara» verilir.
«Bu mükafat Xədicənin işinin dəyərinin güclü etirafıdır və onun həbsinin yanlışlığını göstərir», - deyən cənab Pejic mükafatı jurnalistin «azadlığa buraxılması cəhdlərinə mühüm əlavə» adlandırıb.
Xədicə İsmayıl Azərbaycanda dövlət səviyyəsində korrupsiya faktlarını üzə çıxarıb. O, ötən il dekabrın 5-də keçmiş həmkarını intihar həddinə çatdırma ittihamıyla həbs olunub. Sonradan ona daha 4 ittiham da irəli sürülüb və 12 ilədək həbs cəzası ala bilər.
PEN/Barbara Goldsmith Yazmaq Azadlığı mükafatı hər il işinə görə həbsə atılan və təqib olunan şəxslərə verilir. 1987-ci ildən bəri mükafata layiq görülən zaman həbsdə olan 39 yazardan 35-i azadlığa çıxıb. Xədicənin adından mükafatı mayın 5-də Nyu-Yorkda keçiriləcək mərasimdə azərbaycanlı jurnalist və dostu Emin Milli qəbul edəcək.
Putinə yazırlar - ailəmi xilas edin
"Hörmətli Vladimir Vladimiroviç! Kömək edin, ailəm dağılır. Mən, həyat yoldaşım və 4 yaşlı qızım Sizi çox sevirik. Qızım artıq 1 yaşında bilirdi ki, bizim prezident Sizsiniz. Biz həmişə canlı xəttdə Sizin çıxışlarınıza baxırıq. Əgər Siz Eleonra V.-yə müraciət edib, ondan Dmitriyə (mənəm) qayıtmağı xahiş etsəniz, o Sizə mütləq qulaq asar. Rusiya ailərlərindəki birlik və dinclik, cəmiyyətin sağlamlığının zəminidir. Sizin dəstəyinizə ümid edirəm, bizim, ölkənin naminə gördüyünüz işlər üçün çox sağ olun. Biz Sizinləyik!" - bu, Putinə yazılan milyonlarla məktublardan biridir. Rusiya prezidenti birbaşa sual-cavabları ildə 1 dəfə keçirir. Canlı yayımlarda bu suallardan ancaq çox cüzi qisminə cavab verirlər. Bununla belə əhali yazmaqda davam edir. Bu veriliş bütün ölkənin şikayət kitabına bənzəyir.
AzadliqRadiosu sual-cavab yayımından LiveBloq aparacaq. Günün sonunda isə TV reportaj hazırlanacaq. Azadliqda qal
Aprelin 16
Hamıya salamlar. AzadliqLiveTV yeni yeni günə başlayır. Ötən günün proqramına yuxarıdakı vidieda baxa bilərsən. Günün olayları haqda məlumatları isə aşağıda, bloqun əvvəlki postlarında izlə. Aprelin 16-nın əsas mövzuları Xədicənin müdafiəsinə qalxan yazıcılar, Rəsul Cəfərova məhkəmə hökmü və Putinin online sual-cavabıdır (Putinin dedikləri ayrıca LiveBloqda yenilənəcək)
AzadliqLiveTV-də aprelin 15-nin mövzuları
- Hüquq müdafiəçilərini kim tanıyır (müzakirərə və SORĞUnun (hazır cavablarından birini seç)
Barselona səfərdə PSJ-ni, Porto isə evdə Bavariyanı məğlub etdilər
Aprelin 15-də futbol üzrə Çempionlar Liqasında 1/4 finalında ilk oyunlara yekun vurulub.
Parisdə PSJ Barselona qarşısında aciz qaldı (fotolara bax), oyun 1-3 hesabı ilə qonqaların xeyrinə bitdi. Porto isə öz meydanında Bavariyanı məğlub etdi, 3-1.
Dünən 1/4 finala çıxan daha 4 klub ilk oyunlarda güclərini sınayırdılar. Turində Yuventus Fransanın Monako klubunu 1-0 hesabı ilə məğlubiyyətə uğratdı. Madriddə isə yerli Atletiko və Real klublarının oyununda hesab açılmadı.
Aprelin 21 və 22-də keçiriləcək cavab görüşlərindən sonra 4 komanda Avropanın ən yaxşı klubu adı uğrunda yarışı davam etdirəcək.