-
Aprelin 1-dən gec olmayaraq qeyri-hökumət təşkilatları illik maliyyə hesabatlarını Maliyyə Nazirliyinə təqdim etməlidir.
Bu haqda Maliyyə Nazirliyinin saytı məlumat yayıb.
Məlumatda bildirilir ki, «Qeyri-hökumət təşkilatları (ictimai birliklər və fondlar) haqqında» Qanunun 29.4-cü maddəsinə görə, qeyri-hökumət təşkilatları illik maliyyə hesabatlarını aprelin 1-dən gec olmayaraq Maliyyə Nazirliyinə təqdim etməlidirlər.
Nazirlik QHT-lərə maliyyə hesabatlarının təqdim edilməməsinə görə İnzibati Xətalar Məcəlləsinin 247-1-ci maddəsi ilə inzibati tənbeh nəzərdə tutulduğunu xatırladır.