-
Martın 1-də Moskvada ötən cümə günü qətlə yetirilmiş müxalifət lideri Boris Nemtsov-un xatirəsi ilə bağlı matəm yürüşü keçiriləcək.
Nemtsov Moskvanın mərkəzində, Kremlin yaxınlığında öldürülüb.
Şəhər rəhbərliyi ilə razılaşdırılmış yürüşdə 50 min nəfərin iştirakı gözlənilir. İştirakçılar Çinşəhər keçidindən Nemtsov-un qətlə yetirildiyi körpüyədək yürüş edəcəklər.
Yürüşdə ölkənin İnsan Hüquqları Şurasının üzvləri – Kirill Kabanov, Boris Kravchenko, Sergey Krivenko və digərləri də iştirak edəcək.
Öncə martın 1-də Maryino rayonunda böhran əleyhinə “Bahar” aksiyasının keçirilməsi planlaşdırılırdı. Daha sonra aksiya iştirakçıları bu aksiyanı matəm yürüşü ilə əvəzləmək barədə qərar qəbul edib.
Nemtsov-la bağlı digər şəhərlərdə də oxşar tədbirlərin keçiriləcəyi gözlənir. Peterburqda şəhər rəhbərliyi matəm yürüşü ilə bağlı razılıq da verib.