BAKIDA ETİRAZ AKSİYASI...
FEVRALIN 27-DƏ EFİRDƏ OLMUŞ AZADLIQLİVE PROQRAMINI BURADA DİNLƏ:
Azad Rəhimov Avropa Oyunlarının xərclərindən danışır...
Bakı-2015 Avropa Oyunları Əməliyyat Komitəsinin baş icraçı direktoru Azad Rəhimov I Avropa Oyunlarına qatılacaq ölkələrin Milli Olimpiya Komitəsinə ev sahibi tərəfindən maliyyə dəstəyinin göstərilməsi məsələsi ilə bağlı açıqlama verib.
Trend-in məlumatına görə, Azad Rəhimov açıqlamasında deyib ki, Avropa Oyunlarına qatılan hər bir iştirakçı ölkənin Milli Olimpiya Komitəsinə ev sahibi tərəfindən maliyyə dəstəyinin göstərilməsi nəzərdə tutulub.
Gənclər və idman naziri qeyd edib ki, Azərbaycanın ilk Avropa Oyunlarına ev sahibliyi etməsi Azərbaycana mənfəət gətirəcək, eləcə də ölkəmizin dünya arenasında daha da möhkəmlənməsinə yardım edəcək: «Oyunları izləyən beynəlxalq tamaşaçı kütləsi sürətlə inkişaf edən ölkələrdən biri olan Azərbaycanı bir daha tanımaq şansı əldə edəcək. Bildirmək istərdim ki, oyunlar üçün ayrılmış və xərclənən maliyyə vəsaiti ciddi şəkildə yoxlanılır və bu barədə ictimaiyyətə mütəmadi məlumatlar verilir».
Azad Rəhimov Avropa Oyunlarına nə qədər pul ayrılması haqda heç bir açıqlama verməyib.
"Bütün xərcləri Azərbaycanın ödəməsi anormallıqdır"
“Futbol +” qəzetinin redaktoru Mahir Rüstəmli:" idmançıların müəyyən xərcləri ev sahibi tərəfindən qarşılana bilər-tutalım qalmaq, yemək xərcləri. Amma bütün xərcləri, hətta aviabiletlərin alınması, burda gəzmək-dolanmaq və başqa xərcləri Azərbaycanın ödəməsi əlbəttə, anormallıqdır. Bu, pulun havaya sovrulmasıdır. Bu, anlaşılmaz addımdır"- AzadlıqLive-da