Azərbaycan ordusu irimiqyaslı əməliyyat-taktiki hərbi təlimlərə başlayıb.
Nazirliyin mətbuat xidmətindən verilən məlumata görə, təlimlərə Müdafiə naziri Zakir Həsənov və onun birinci müavini Nəcməddin Sadıkov rəhbərlik edir.
Təlimlərə 15 min şəxsi heyət, 300-dək zirehli texnika, 200-dən çox raket və artilleriya qurğusu, 20-dək aviasiya vasitəsi, hava hücumundan müdafiə bölmələri və müasir hava hücumundan müdafiə kompleksləri ilə silahlanmış zenit-raket birləşmələri cəlb edilib.