Ukrayna prezidenti Petro Poroshenko Rusiyanın Ukrayna ərazisinə 9 mindən çox əsgər göndərdiyini deyib və onların təcili çıxarılmasını tələb edib.
O yanvarın 21-də Davosda keçirilən beynəlxalq iqtisadi forumda Rusiyanı Minskdə əldə olunmuş sülh planını həyata keçirməyə, sərhəddi bağlamağa və qüvvələrini Ukrayna ərazisindən çıxarmağa çağlrlb.
Poroshenko qeyd edib ki, canlı qüvvələrlə yanaşı hazırda Ukrayna ərazisində təxminən 500 Rusiya tankı, artileriya qurğuları və zirehli texnikalar var.
O bir daha Rusiyanı hərbi təcavüzkarlıqda ittiham edib.
Rusiyanın xarici işlər naziri Sergei Lavrov isə ittihamların əsassız olduğunu deyib.