Alkoqollu içkilər bazarında keyfiyyətsiz məhsullar aşkar edilib

Alkoqollu içkilər istehsalı ilə məşğul olan müəssisələrdə Standartlaşdırma, Metrologiya və Patent üzrə Dövlət Agentliyi (SMPDA) tərəfindən aparılan yoxlamalar nəticəsində keyfiyyətsiz məhsul faktları aşkar edilib. Agentliyin Mətbuat Xidmətindən verilən məlumata görə, bu il 4,4 min dekalitr araq, bir o qədər də şərab və 2 min dekalitr konyak satışa buraxılmayıb və təkrar emal üçün geri qaytarılıb. Agentlik 29 müəssisədə alkoqollu içkilər və etil (qida) spirti istehsalına nəzarət edir.