Azərbaycanın Ümumi Daxili Məhsulunun (ÜDM) həcmi ötən illə müqayisədə 34 faiz artıb. Bu ilin ilk doqquz ayı ərzində ÜDM 12.7 milyard yeni manat, Amerika dolları ilə 16 milyard dollara çatıb. Dövlət Statistika Komitəsinin yaydığı məlumata görə, adambaşına düşən ÜDM-in həcmi isə 2200 dollara yaxın olub ki, bu da 2005-ci illə müqayisədə 33 faizə yaxın artım deməkdir. Məlumatda o da bildirilir ki, ÜDM-in strukturunda sənayenin payı 71.4 faiz, xidmət sahələri isə 21.7 faiz olub.