Almaniyada «Azərbaycanda insan haqları» mövzusunda sərgi keçirilib [Fotolar]

-

Dekabrın 10-da Ümumdünya İnsan Haqları günü münasibətilə sərgi təşkil edilib. Mövzusu «Azərbaycanda insan haqları» olan sərgi Avropa Demokratiyaya Dəstək Alyansının təşəbbüsü ilə Almaniyanın Nürnberg və Münster şəhərlərində keçirilib.

Sərgidə «İnsan haqları çadırı» qurulub. Avropa Demokratiyaya Dəstək Alyansının rəhbəri Tural Sadıqlı:

«Məqsədimiz avropalılara Azərbaycanda insan haqlarının necə olduğunu bildirmək idi. Həmçinin Azərbaycanda siyasi məhbusların olduğunu, insan haqlarının, söz azadlığının boğulduğunu ifadə edən alman və ingilis dillərində broşurlar paylanılıb».

Sərgi 4 saat davam edib.

Münsterdə təşkil olunan sərginin təşkilatçılarından olan Çağlar Qasımov bildirib ki, bu kimi informasiya və etiraz aksiyaların Avropada tez-tez keçirilməsi zəruridir. Avropalılar Azərbaycan həqiqətlərini bilməlidir.​

​