Moskva Kiyevlə yeni danışıqları dəstəkləyir

Moskva Ukraynanın şərqində münaqişəyə son qoyulması ilə bağlı bu həftə növbəti danışıqlar aparılmasına qəti dəstək bildirib.

Ukrayna prezidenti Petro Poroshenko dekabrın 9-da Minskdə növbəti danışıqlar aparılması ilə bağlı ilkin razılaşma əldə olunduğunu deyir.

Kremlin xarici siyasət məsələləri üzrə rəsmisi Yury Ushakov görüşün bu həftə baş tutacağına ümidlə yanaşdığını bildirib. Amma o konkret tarix göstərməyib.

Poroshenko ümid edir ki, yeni danışıqlar sentyabrın 5-də Minskdə əldə olunmuş atəşkəs sazişinin işləməsinə aparacaq.