-
Noyabrın 15-də prezident İlham Əliyev Şəmkir hərbi birliyinin yeni qərargah binasının açılışında iştirak edib.
Məlumatı AzərTAc yayıb.
Ali baş komandana Azərbaycan-Ermənistan sərhədi boyu və təmas xəttindəki vəziyyət barədə məlumat verilib.
İlham Əliyev bu yaxınlarda Ermənistan silahlı qüvvələrinin təmas xəttini pozması ilə bağlı təxribatı pisləyib və Azərbaycan ordusunun bu təxribatın qarşısını uğurla almasını yüksək qiymətləndirib.
Dövlət başçısı Azərbaycan hərbçilərinin bundan sonra da düşmənin hər hansı bir təxribatına layiqli cavab verəcəyinə əminliyini bildirib.
Prezident vəziyyətlə bağlı müvafiq göstərişlərini verib.