Ali Məhkəmə noyabrın 12-də jurnalist Pərviz Həşimlinin kassasiya şikayətini təmin etməyib.
Şikayət Bakı Apellyasiya Məhkəməsinin işin qismən təkrar məhkəmə istintaqı ilə keçirilməsi barədə vəsatəti rədd etməsilə bağlı idi.
Bu barədə Turan-a vəkil Elçin Sadıqov məlumat verib.
Bizim yol qəzetinin əməkdaşı Pərviz Həşimli 2013-cü il sentyabrın 17-də saxlanıb, bu il mayın 15-də isə silah qaçaqçılığı ittihamı ilə 8 il azadlıqdan məhrum edilib.
Hüquq müdafiəçiləri onu siyasi məhbus hesab edirlər.