Keçid linkləri

2024, 28 Mart, Cümə axşamı, Bakı vaxtı 23:33

İŞİD-la müharibənin xronologiyası

Qondarma İslam Dövləti yaraqlıalrının İraq və Suriyadakı hücumlarının şiddəti azalmır. İŞİD ABŞ-ın hava zərbələri altında eyni vaxtda həm İraq Ordusu və kürd dəstələri, Suriya ordusu və silahlı müxalifəti ilə döyüşlər aparır.

Eskpertlərin fikrincə, cihaçılar artıq hava zərbələrdən yayınmağın da yollarını tapıblar.

Hazırda ən gərgin döyüşlər Suriyanın Türkiyədəki sərhəddində yerləşən Ayn al-Arab (Kobani) şəhərində gedir. İŞİD-ə qarşı döyüşən kürd silahlıları şəhərin müdafiəsi üçün beynəlxalq ictimaiyyətdən və Türkiyədən yardım istəyirlər.

AzadlıqRadiosu regionda gedən hadisələri izləyərək canlı bloqu ən son xəbərlərlə yeniləyir. Postlar xronoloji ardıcıllıqla, ən yeni xəbərlər bloqun əvvəlində yerləşdirilir. Mətndən aşağıda göy rəngli "davamı" düyməsini basmaqla bloqu vərəqləmək, əvvəlki postlarla da tanış olmaq mümkündür

15:16 13.10.2014

CİHADÇILAR KİMDİLƏR SİLSİLƏSİNDƏN

İŞİD sıralarında dünyanın müxtəlif ölkələrindən Suriyaya gəlmiş çoxlu radikal islamçılar döyüşür. Bildirlir ki, Avropada böyümüş çihadçı gənclər İŞİD-ın internetdəki informasiya müharibəsinin əsasında dururlar. Döyüş meydanında isə cihadçılarla döyüş təcrübəsi olan keçmiş hərbçilər rəhbərlik edir. Onalrın arasında gürcü mənşəli Omar al-Shishani (əsl adı -Tarkhan Batirashvili) ABŞ-ın İŞİD sıralarındakı ən təhlükəli terrorçu elan etdiyi 11 şəxsdən biridir. Tarkhan Batirashvili 2008-ci ildə Gürcüstana təcavüz edən Rusiya ordusuna qarşı döyüşüb. Lakin sonradan onu gürcü ordusundan qovub, qanunsuz silah saxlamaqda ittiham ediblər. Gürcüstanı tərk edən al-Shishani-Batrashvilinin xəbəri tezliklə Suriyadan gəlib. Billdirilir ki, onun dəstəsində əsasən Qafqazdan olan cihadçılardan vuruşur. Hazırda onun İŞİDın girov saxladığı şəxslər üçün təşkil olunmuş xüsusi həbsxananın mühafizəsinə rəhbərlik etdiyi ehtimal olunur.

15:25 13.10.2014

Kobanidə atışma davam edir

Kobanidə atışma davam edir
Gözlə

No media source currently available

0:00 0:01:00 0:00

Suriyanın Kobani (Ayn al-Arabia) şəhərində İslam Dövləti yaraqlıları ilə kürd qüvvələri arasında döyüşlər davam edir. Türkiyə tərəfindən çəkilən videolarda şəhərdə bir neçə yerdə tüstü qalxdığı görünür. ABŞ-ın yaraqlılara hava zərbələrindən sonra kürd döyüşçülərinin üstünlük qazandıqları bildirlir.

15:42 13.10.2014

İŞİD VƏ AZƏRBAYCAN

İŞİD bayraqdarı mitinqdə saxlandı
Gözlə

No media source currently available

0:00 0:01:52 0:00

Oktyabrın 12-də Milli Şuranın mitinqində peyda olan şəxslər İŞİD-ın qara bayrağını qaldırmağa çalışıblar. Mitinqin mühafizəsi və polis bu şəxslərin mitinqin gedişinə müdaxilə etməsinə imkan verməyiblər. Lakin iqtidaryönlü mətbuat Milli Şuranı islamçılarla əlbir olmaqda ittiham etməyə tələsib. Müxalifət üzvləri isə İŞİD bayrağı qaldıranların islamçıya oxşamadıqlarına işarə edərək bu şəxslərin xüsusi xidmətlər tərəfindən göndərildiyini iddia edirlər.

Azərbaycan və İŞİD məsələsi gündəmdən düşmür. Azərbaycanlı cihadçıların Suriyaya gedib İŞİDa qoşulması yeni xəbər deyil. Bəs dövlət rəsmilərinin buna münasibəti necədir. AzadlıqRadiosun müsahibəsində dövlətin ilahiyyət məsələlərinə təhkim olunmuş rəsmisi Mübariz Qurbanlı əmin edir ki, Azərbaycanda insanların kütləvi şəkildə hansısa dini cərəyanın təsiri altında düşmək ehtimalı yoxdur. Ətraflı burada oxu

Davamı

XS
SM
MD
LG