Krım parlamenti Sergei Aksyonovu anneksiya edilmiş yarımadanın rəhbəri seçib. Oktyabrın 9-da keçirilmiş səsvermədə 75 deputatın hamısı Aksyonovu dəstəkləyib.
41 yaşlı Aksyonov aprelin ortasından Krımın başçısı vəzifəsini icra edir. Martda keçirilmiş referendumda Krım Rusiyaya birləşməyə səs verib, ancaq Kiyev, Qərb və BMT-nin Baş Assambleyası bu səsverməni pisləyib.
Aksyonov anneksiya prosesində əsas rol oynayıb.
Ukrayna Rusiyanın tutduğu Krımı öz ərazisi sayır və Rusiya hakimiyyətinin keçirdiyi seçkiləri “qanunsuz” adlandırır.
