-
Polşanın paytaxtı Varşavada ATƏT-in Demokratik İnstitutlar və İnsan Haqları Bürosunun təşkil etdiyi zirvə toplantısında Azərbaycanda siyasi məhbuslarla bağlı aksiya keçirilib.
Sentyabrın 23-də əyinlərinə azərbaycanlı siyasi məhbusların şəkilləri yapışdırılmış köynəklər geyən fəallar konfrans zalına daxil olublar.
Sentyabrın 22-dən başlayan toplantıda əsasən insan haqları və demokratiya məsələləri müzakirə olunur. Tədbirdə ATƏT üzvü olan ölkələrin nümayəndə heyətləri, səfirlər, QHT rəhbərləri və tanınmış diplomatlar iştirak edirlər.
Müzakirələr oktyabrın 3-ə qədər davam edəcək.
Azərbaycanda 28 insan haqları müdafiə təşkilatı və hüquq müdafiəçisinin birgə hazırladığı siyahıda ölkədə 100-ə yaxın siyasi məhbus olduğu göstərilir.
![Azərbaycanda siyasi məhbusları hələ belə görməmişdin [infoqrafika]](https://gdb.rferl.org/794792D9-5E3F-4956-9087-0D23EFA10223_cx0_cy2_cw100_w100_r1.jpg)
![Azərbaycanda siyasi məhbusları hələ belə görməmişdin [infoqrafika]](https://gdb.rferl.org/794792D9-5E3F-4956-9087-0D23EFA10223_cx0_cy2_cw100_w33_r1.jpg)
