Azərbaycan prezidenti İlham Əliyev ölkəsinin Əfqanıstana sərmayyə qoyulması və bu ölkənin bərpasında iştiraka hazır olduğunu bəyan edib.
O bunu sentyabrın 5-də NATO-nun Uelsdə keçirilən sammitində bildirib.
İlham Əliyev deyib ki, Qars-Tbilisi-Bakı dəmiryol xətti Əfqanıstan və bütün region üçün böyük iqtisadi imkanlar açacaq.
Bu layihənin 2015-ci ilin ikinci yarısından sonra başa çatdırılacağı gözlənilir.
İlham Əliyev qeyd edib ki, hazırda Əfqanıstana gedən qeyri-hərbi yüklərin 40 faizi Azərbaycan ərazisindən daşınır.