Xarici İşlər Nazirliyinin Mətbuat mərkəzi xəbər verir ki, sentyabrın 27-də ilk dəfə olaraq Avstriyanın Vyana Kamera Opera teatrında Azərbaycan bəstəkarı Üzeyir Hacıbəyovun «Arşın mal alan» komediyasının alman dilində premyerası keçirilib.
Tamaşada Azərbaycan Mədəniyyət və Turizm Naziri Əbülfəz Qarayevin rəhbərlik etdiyi nümayəndə heyəti, Avstriyanın rəsmi dövlət adamları, Avstriyadakı diplomatik korpusun nümayəndələri, diaspora təmsilçiləri iştirak ediblər. Tamaşa 28 və 30 sentyabr tarixlərində də göstəriləcək.