Keçid linkləri

2024, 29 Mart, Cümə, Bakı vaxtı 01:59

Korrupsiya regionlarda, inhisarçılıq isə Bakıda daha güclüdür


Azərbaycan Sahibkarlar Konfederasiyasının prezidenti Ələkbər Məmmədov "Korrupsiyaya qarşı mübarizədə sahibkarların rolu" layihəsini təqdim edir
Azərbaycan Sahibkarlar Konfederasiyasının prezidenti Ələkbər Məmmədov "Korrupsiyaya qarşı mübarizədə sahibkarların rolu" layihəsini təqdim edir

Azərbaycan Sahibkarlar Konfederasiyası Bakı, Gəncə, Əlibayramlı və Mingəçevir şəhərlərində sahibkarlar arasında keçirdiyi sorğunun nəticələrini açıqlayıb. Sorğu «Korrupsiyaya qarşı mübarizədə sahibkarların, işəgötürənlərin və onlarının təşkilatlarının rolunun gücləndirilməsi» layihəsi çərçivəsində həyata keçirilib. Rəyi soruşulan 150 sahibkar onların fəaliyyətinə mane olan əsas amil kimi korrupsiyanı göstərib. Sorğuya qatılan iş adamlarının 53%-i bu fikirdə olub. 27% sahibkar inhisarçılığı, 10% yüksək vergiləri, 7% qanunsuz yoxlamaları fəaliyyətlərinə başlıca maneə kimi qiymətləndirib. Sorğudan belə nəticə əldə olunub ki, korrupsiya regionlarda, inhisarçılıq isə Bakıda daha güclüdür. Bu da yerli məmurların fəaliyyətində şəffaflığın olmaması, süründürməçiliyin və məmur özbaşınalığının güclü olması ilə səciyyələndirilir. Sahibkarlıq subyektləri, özəlləşdirilmədə, idxal-ixracda, vergi ödəmədə, hüquqlarının məhkəmə müdafiəsində də problemlərlə rastlaşırlar. Belə neqativ hallar isə özəlləşdirilmədə ictimai nəzarətin olmaması, məhkəmələrin icra strukturlarından asılılığının hələ də qalması ilə izah olunur.


AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG