Novruz Məmmədov: «Livana sülhməramlılar göndərilməsi ilə bağlı Azərbaycanda rəsmi mövqe yoxdur»

«Livana sülhməramlılar göndərilməsi ilə bağlı Azərbaycanda rəsmi mövqe yoxdur», bunu Prezidentin İcra Aparatının Beynəlxalq Əlaqələr şöbəsinin müdiri Novruz Məmmədov «Azadlıq» radiosuna bildirib. Onun sözlərinə görə, bu məsələ ilə bağlı Azərbaycana müraciət olunmadığından hökumətdə hər hansı müzakirələr aparılmayıb: «Əgər müraciət olarsa, biz fikirləşərik. Bu adi məsələ deyil. Xarici İşlər Nazirliyi və prezident səviyyəsində məsələ müzakirə olunub qərar verilməlidir. Müraciət olunmadığından konkret heç nə deyə bilmərəm».