BMT-nin Ümumdünya Ərzaq Proqramının Romada keçirdiyi rəsm müsabiqəsində qalib gələnlər sırasında Azərbaycan məktəblisi də var. Proqramın Azərbaycan nümayəndəliyinin əməkdaşı Aybəniz Məmmədovanın «Azadlıq» radiosuna verdiyi məlumata görə, hər il keçirilən bu rəsm müsabiqəsinə 36 ölkə qatılır. Qalib gələn Ağdam məktəblisi Zərnigar Orucovanın rəsmi digər qaliblərin əsərləriylə birgə Ümumdünya Ərzaq Proqramının nəşr etdirəcəyi təqvimi bəzəyəcək.