Keçid linkləri

2024, 07 May, çərşənbə axşamı, Bakı vaxtı 19:41

BMT Baş katibi Ermənistan və Azərbaycanı atəşkəsə əməl etməyə çağırır

Ban Ki-moon münaqişə tərəflərini atəşkəs sazişinə hörmətlə yanaşmağa, gərginliyi dərhal aradan qaldırmağa, zorakılıqdan çəkinməyə, o cümlədən münaqişənin qısa zamanda və sülh yolu ilə həllinə nail olmaq üçün dialoqu davam etdirməyə çağırır

İyulun 31-dən avqustun 1-ə keçən gecə Ermənistan hərbçiləri Ağdam və Tərtər rayonları ərazisində qoşunların təmas xəttini keçməyə cəhd göstərib.

Cəbhə xəttində atəşkəsin pozulması nəticəsində son 5 gündə azı 12 Azərbaycan hərbçisinin öldüyü bildirilir

Diqqət! Qarabağda və Ermənistanla sərhəddə baş verənləri daim yenilənən canlı bloqda izlə. Mətnin sonunda «Davamı» düyməsini sıxmaqla bloqu vərəqləmək olar

10:52 3.8.2014

«BEYNƏLXALQ İCTIMAİYYƏT CİDDİ SANKSİYALAR TƏTBİQ ETMƏLİDİR»

«Çoxsaylı insan təlafatına səbəb olmuş atəşkəs pozunutusunun bütün məsuliyyəti bu cür təxribatçı addımların atılmasına göstəriş verən rəsmi Yerevanın üzərinə düşür».

Son günlər Azərbaycan-Ermənistan sərhəddi və qoşunların təmas xətti boyunca baş verən atəşkəs pozuntusu ilə bağlı Azərbaycan Xarici İşlər Nazirliyinin avqustun 3-də verdiyi bəyanatda belə deyilir.

Nazirlik hesab edir ki, baş verən son hadisə Ermənistana qarşı beynəlxalq ictimaiyyət tərəfindən ciddi sanksiyaların tətbiq edilməsi üçün əsas verir.

«Danışıqlarda qeyri-konstruktiv mövqe nümayiş etdirən, status kvonun qorunub saxlanmasında maraqlı olan və həmçinin Madrid Sülh Planından boyun qaçıran işğalçı Ermənistanın BMT Təhlükəsizlik Şurasının müvafiq qətnamələrinə əməl etməməsi, qanlı etnik təmizləmə siyasəti həyata keçirməsi, 1 milyondan artıq insanı öz yurdundan qovması və sonunda sülh prosesinə xələl gətirən bu cür təxribatçı addımlar atması bu ölkəyə qarşı beynəlxalq ictimaiyyət tərəfindən ciddi sanksiyaların tətbiq edilməsi üçün əsas verir. Sülh prosesinə ən böyük təhlükə Ermənistanın silahlı qüvvələrinin Azərbaycanın işğal olunmuş ərazilərində olmasıdır. Buna görə ilk növbədə Ermənistanın silahlı qüvvələri Azərbaycanın işğal olunmuş ərazilərini tərk etməlidir. Ermənistan tərəfi bunu nə qədər tez dərk etsə, o qədər də tez bir zamanda regionda sülh, sabitlik və müəyyənlik bərpa oluna bilər».

14:56 3.8.2014

«VƏZİYYƏT DEYİLƏN QƏDƏR GƏRGİN OLSA, HÖKUMƏT BİZİ TƏHLÜKƏSİZ YERƏ KÖÇÜRMƏYƏ BAŞLAYAR»

Hazırda Ağdam rayonun Xındırıstan kəndində olan AzadlıqRadiosunun müxbiri cəbhə bölgəsinin həmin istiqamətində sakitlik olduğunu bildirir.

«Biz avqustun 2-dən burdayıq, həm gündüz, həm də gecə bir neçə kəndi gəzmişik. Ara-bir atşıma səslərini eşitmişik, hətta ara-sıra işıq saçan güllələr də atılır. Qaradağlı, Evoğlu, Baş Qərvənd, Mir Şelli kəndlərində güllə səsləri aydın eşidilir. Amma sakinlər deyirlər ki, atəkəs pozuntusu avqustun 1-ə keçən gecə daha güclü olub. Həmin gün iri çaplı silahlardan da atəş açılırmış. Evoğlu kəndi yaxınlığında zəmi yanırdı. Polislər həm əraziyə heç kimi buraxmırdılar. Ehtimal olunur ki, ya zəmi atışmadan yanıb, ya da Ermənistan tərəfdən yandırılıb, dəqiq bir söz deyilmir. Dünəndən fərqli olaraq, bu gün adamlar arasında təşviş az hiss olunmur. Adamlar söyləyirlər ki, narahatlıq yaradan Bakıdan yayılan məlumatlardır. Camaatın fikirincə, Bakıda məlumatlar elə təqdim olunur ki, sanki müharibə başlayıb, əslində isə elə deyil. Ən güclü atəşkəs pozuntusu belə adamlara adi gəlir».

AzadlıqRadiosunun müxbiri bildirir ki, ölkə medaisında və sosial şəbəkələrdə avqustun 3-də cəbhə bölgəsinə yaxın ərazilərdə Azərbaycan ordusuna məxsus qırıcı təyyarə və vertolyotların uçuşlar etdiyi barədə məlumatlar yayılsa da o, bu deyilənləri təsdiq edəcək halları müşahidə etməyib.

«Biz gecə bir neçə kənddə olduq. Sakinlər dedilər ki, bir vertolyot görüblər, deyilənə görə, o da əraziyə yaralıları aparmaq üçün gəlibmiş. Adamlar vəziyyətin deyilən qədər gərgin olmasına inanmırlar. Kənd sakinləri deyir ki, vəziyyət deyilən kimi gərgin olsa hökumət onları bölgədən təhlükəsiz yerə köçürməyə başlayar».

15:27 3.8.2014

12 AZƏRBAYCAN HƏRBÇİSİ ÖLÜMÜNDƏN SONRA MÜKAFATLANDIRLIB

Bugünlərdə cəbhədə həlak olan 12 hərbçi ölümündən sonra «Hərbi xidmətdə fərqlənməyə görə» 3-cü dərəcəli medal ilə təltif ediliblər. Bu barədə Müdafiə Nazirliyini avqustun 3-də məlumat yayıb.

Müdafiə nazirinin göstərişinə əsasən avqustun 3-ü və 4-də hərbi qulluqçuların ailələrinə medalların təqdim edilməsi mərasimləri təşkil ediləcək.

Azərbaycan müdafiə nazirliyinin yaydığı məlumata görə, 4 gün ərzində cəbhə bölgəsində erməni kəşfiyyat-təxribat qrupunun qarşısı alınarkən 12 Azərbaycan hərbçisi həlak olub.

Davamı

XS
SM
MD
LG