-
"Qanun" nəşriyyatı iyulun 26-29-da Bakıda endirimli kitab yarmarkası keçirəcək.
Yarmarka iki ünvanda – HÜSEYN CAVİD və ZABİTLƏR parklarında baş tutacaq.
Yarmarkalarda 500 addan çox, 10 minə yaxın kitab sərgilənəcək, kitab kataloqları paylanılacaq.
Saat 09:00-dan 21:00-a dək davam edən yarmarkada ən müxtəlif kitablar – dünya klassik ədəbiyyatı, müasir dövrün tanınmış yazıçılarının, biznes və özünüinkişafa aid, uşaq ədəbiyyatı- nağıllar, ensiklopediyalar, boyamalar, eləcə də Azərbaycan yazarlarının kitabları sərgilənəcək.
Bakı şəhər İcra hakimiyyətinin razılığı ilə keçiriləcək yarmarka yeni kitabları tanıtmaq, insanları kitaba cəlb etmək, oxucularla kitab mədəniyyəti arasında körpü yaratmağı hədəfləyir.