-
Jackie Chan, John Cusack və Adrien Brody-nin başrol oynadığı filmdə «Kroraina» xarakterini Emrah Yılmaz canlandırır
Çinin ən bahalı filmi «Dragon Blade» filmində türk aktyor çəkilir.
ÇİNİN ƏN BAHALI FİLMİ SAYILIR
«Hürriyet»in xəbərinə görə 65 milyon dollarlıq büdcə ilə çəkilən və «Çin kinosunun ən bahalı filmi» sayılan «Dragon Blade» filmində türk aktyor rol alır.
Filmin rejissoru, ssenaristi və prodüseri Daniel Lee-dir. Baş rollarda Jackie Chan, John Cusack ve Adrien Brody çəkilirlər. Türk aktyorun dəvət aldığı obraz da baş rollardan sayılır. Emrah Yılmaz Kösəm irqinin lideri Kroraina-nı canlandırır.
1200 NƏFƏR ARASINDAN SEÇİLİB
Şanxay Teatr Akademiyasının məzunu olan Emrah Yılmaz bu rola 1200 nəfərin arasından seçilib.
Filmə hazırlıq zamanı Daniel Lee ve Jackie Chan türk aktyorun performansını çox bəyəniblər.
Jackie Chan hətta Emrah Yılmaz-a Hong Kong-dakı kino məktəbində özünün aktyorluq dərslərinə pulsuz qatılmağı təklif edib.
6 aydır çəkilişləri davam edən film romalı əsgərlərin e.ə. 48-ci ildə Çinə girişindən bəhs edir.
AKTYOR FİLMDƏ TÜRKCƏ VƏ ÇİNCƏ DANIŞIR
Emrah Yılmaz filmdə türkcə və çincə danışır.
Aktyor savaş səhnələrinin çəkilişində çox çətinlik çəkdiyini bildirib: «Səhnələr o qədər gerçək çəkilir ki, bədənimdə göyərmələr var. Bir neçə dəfə qəzadan qurtardım. Amma möhtəşəm bir çəkiliş qrupu var və hər kəs gülərüzlüdür. Bunlar insanı qoruyub saxlayır»
Çəkilişləri 6 aydır davam edən «Dragon Blade» filminin 2015-ci ilin fevralında ekranlara çıxacağı bildirilir.
